ចិននិងអាមេរិកមានជំនួបទាក់ទងក្រៅផ្លូវការ នៅខាងក្រៅសន្និសីទសន្តិសុខ Munich
(VOVWORLD) - ទីភ្នាក់ងារសារព័ត៌មានស៊ីនហួ (ចិន) បានរាយការណ៍ថា ប្រធានខុទ្ទកាល័យនៃគណៈកម្មាធិការកិច្ចការបរទេសមជ្ឈិមបក្សកុម្មុយនិស្តចិន លោក Wang Yi នាថ្ងៃទី១៨ ខែកុម្ភៈ បានជួបប្រាស្រ័យក្រៅផ្លូវការជាមួយរដ្ឋមន្ត្រីការបរទេសអាមេរិក លោក Antony Blinken នៅខាងក្រៅសន្និសីទសន្តិសុខ Munich លើកទី ៥៩ ដែលកំពុងប្រព្រឹត្តទៅនៅប្រទេសអាល្លឺម៉ង់ តាមសំណូមពររបស់ភាគីអាមេរិក។
ព័ត៌មានពីកាសែតស៊ីនហួបានឲ្យដឹងថា នៅក្នុងជំនួបនេះ លោក Wang Yi បានបញ្ជាក់យ៉ាងច្បាស់នូវគោលជំហរជាផ្លូវការរបស់ចិន អំពីឧបទ្ទវហេតុឧស្ម័ន។ លើសពីនេះទៅទៀត លោក Wang Yi ក៏បានជំរុញឱ្យភាគីអាមេរិកផ្លាស់ប្តូរទិសដៅ ទទួលស្គាល់និងជំនះពុះពារលើការខូចខាតដោយសារការប្រើប្រាស់កម្លាំងហួសកម្រិត នៅក្នុងទំនាក់ទំនងចិន-អាមេរិក។ នាថ្ងៃដដែល អ្នកនាំពាក្យក្រសួងការបរទេសអាមេរិក លោក Ned Price បានបញ្ជាក់ថា ជំនួបប្រជុំរវាងរដ្ឋមន្ត្រីការបរទេស Blinken ជាមួយអ្នកការទូតជួរមុខរបស់ចិនបានប្រព្រឹត្តទៅក្នុងរយៈពេលប្រហែល ១ ម៉ោង នៅកន្លែងដែលមិនត្រូវបានបង្ហើប។ យោងតាមប្រភពព័ត៌មានការទូតអាមេរិក លោករដ្ឋមន្ត្រីការបរទេស Blinken បាន "ផ្ទាល់និងស្មោះត្រង់" នៅក្នុងជំនួបនេះ៕