ប្រជាជនអ៊ុយក្រែនជម្លៀសចេញពីទីក្រុង Irpin ភាគពាយព្យនៃរដ្ឋធានី Kiev ថ្ងៃទី ៨ ខែមីនា ឆ្នាំ ២០២២។ (រូបថត៖ AFP/TTXVN)

លោកឯកអគ្គរដ្ឋទូត Qin Gang បានចាត់ទុកថា ការអំពាវនាវជាសាធារណៈរបស់ប្រទេសលោកខាងលិចជាច្រើននាំគ្នារិះគន់រុស្ស៊ី នឹងមិនជួយដល់គោលដៅនៃការដោះស្រាយវិបត្តិនៅអ៊ុយក្រែនបច្ចុប្បន្នបានទេ។ មន្ត្រីការទូតចិនរូបនេះបានសង្កត់ធ្ងន់ថា ត្រូវមានវិចារណញ្ញាណ ភាពក្លាហាន និងស្មារតីការទូត។ លោក Qin Gang ក៏បានបដិសេធព័ត៌មានមិនពិតដែលថាចិនបានបញ្ជូនអាវុធទៅឱ្យរុស្ស៊ី ដោយសង្កត់ធ្ងន់ថា ទីក្រុងប៉េកាំងគ្រាន់តែផ្ញើអាហារ ថ្នាំ កាបូបដេក និងទឹកដោះគោម្សៅប៉ុណ្ណោះ មិនមែនបញ្ជូនអាវុធទៅឲ្យភាគីណាមួយឡើយ។

ក្នុងបរិបទដែលសហរដ្ឋអាមេរិកនិងសម្ព័ន្ធមិត្តលោកខាងលិចជាច្រើនបានដាក់ទណ្ឌកម្មម្តងហើយម្តងទៀតប្រឆាំងនឹងរុស្ស៊ី ចំពោះយុទ្ធនាការយោធាពិសេសនៅអ៊ុយក្រែន ទីក្រុងប៉េកាំងបានប្រកាសថា ខ្លួនមិនគាំទ្រ ឬចូលរួមក្នុងការដាក់ទណ្ឌកម្មណាមួយប្រឆាំងនឹងទីក្រុងម៉ូស្គូឡើយ។ ចិនបានចាត់ទុកថា បទដាក់ទណ្ឌកម្មរបស់លោកខាងលិចប្រឆាំងនឹងរុស្ស៊ី កាន់តែធ្វើឲ្យហួសហេតុ ហើយមិនអាចដោះស្រាយបញ្ហាបានទេ៕