ចិនបានស្នើ WTO អនុញ្ញាតឲ្យផាកពិន័យទៅលើទំនិញអាមេរិក
(VOVWORLD) - យោងតាមឯកសារដែលបានប្រកាសចេញដោយអង្គការពាណិជ្ជកម្មពិភពលោក (WTO) កាលពីថ្ងៃទី ១១ ខែកញ្ញា ថាចិនបានស្នើឱ្យ WTO ដាក់ទណ្ឌកម្ម ពាណិជ្ជកម្មប្រចាំឆ្នាំទៅលើទំនិញរបស់អាមេរិកដែលមានតម្លៃជាង ៧ ពាន់លាន ដុល្លារ ដោយសារមិនគោរពប្រតិបត្តិតាមដីការដែលពាក់ព័ន្ធនឹងពន្ធប្រឆាំងលក់ បង្ខួចតំលៃរបស់អាមេរិក។
 ទីស្នាក់ការអង្គការពាណិជ្ជកម្មពិភពលោក WTO |
អង្គការ WTO បានឲ្យដឹងថា ស្ថាប័នដោះស្រាយជំលោះ (DBS) ចំណុះអង្គការ នេះ នឹងកោះហៅកិច្ចប្រជុំពិសេសមួយ នៅថ្ងៃទី ២១ ខែកញ្ញា ដើម្បីពិភាក្សាអំពី ការវិវត្តន៍នៃជម្លោះពាណិជ្ជកម្មរវាងអាមេរិកនិងចិនក្នុងរយៈពេល ៥ ឆ្នាំកន្លងទៅ។
ទង្វើរខាងលើនេះបានបង្កើនការព្រួយបារម្ភអំពីហានិភ័យនៃការកើនឡើងភាព តានតឹងពាណិជ្ជកម្មរវាងខឿនសេដ្ឋកិច្ចនាំមុខគេទាំងពីរនេះក៏ដូចជាបង្កើន សម្ពាធទៅលើទីផ្សារមូលបត្រនៅអឺរ៉ុបនិងអាមេរិកផងដែរ។