តំបន់មហាសមុទ្រឥណ្ឌូ- ប៉ាស៊ីហ្វិក។ (រូបភាព៖ Ceoworld Magazine)

ក្នុងសន្និសីទតាមអនឡាញ អគ្គលេខាធិការកិច្ចការបរទេស EU លោក Stefano Sannino ដែលកំពុងបំពេញទស្សនកិច្ចនៅទីក្រុងតូក្យូ និងអនុរដ្ឋមន្ត្រីការបរទេសជប៉ុន លោក Takeo Mori និងសមភាគីកូរ៉េខាងត្បូង លោក Cho Hyun Dong, លោកស្រី Jan Adams នៃអូស្ត្រាលី និងលោក Chris Seed ពីនូវែលសេឡង់ បានចែករំលែកទស្សនៈថា ការពិភាក្សាអំពីរបៀបរក្សាសណ្តាប់ធ្នាប់អន្តរជាតិប្រកបដោយសេរីភាព និងបើកចំហដោយផ្អែកលើច្បាប់គឺមានសារៈសំខាន់ខ្លាំងណាស់។ លើសពីនេះទៅទៀត មន្ត្រីទាំងប្រាំរូបក៏បានពិភាក្សាអំពីការចូលរួមរបស់សហភាពអឺរ៉ុប និងប្រទេសដែលមានទស្សនៈដូចគ្នានៅក្នុងតំបន់ឥណ្ឌូ-ប៉ាស៊ីហ្វិកផងដែរ។

កិច្ចពិភាក្សានេះ បានប្រព្រឹត្តិទៅក្នុងបរិបទដែលបណ្តាប្រទេសនៅអឺរ៉ុបកំពុងផ្តោតលើការពង្រឹងភាពជាដៃគូសន្តិសុខជាមួយប្រទេសចំនួនបួននៅតំបន់អាស៊ី-ប៉ាស៊ីហ្វិក។ អង្គការសន្ធិសញ្ញាអាត្លង់ទិកខាងជើង (ណាតូ) ក៏បានចាត់ទុកប្រទេសទាំងបួនខាងលើជាប្រទេសដៃគូផងដែរ៕