នាវាផ្ទុកយន្តហោះរបស់អាមេរិក។ រូបថត៖ US NAVY

នាថ្ងៃដដែលនោះ កងទ័ពអ៊ីស្រាអែលបានបន្តបើកការវាយប្រហារបន្ថែមទៀត ដោយប្រើកម្លាំងទ័ពជើងអាកាស កងទ័ពជើងទឹក កាំភ្លើងធំ និងកងទ័ពជើងគោក សំដៅទៅលើគោលដៅផ្សេងៗគ្នានៅទូទាំងតំបន់ហ្គាហ្សា។ សេចក្តីប្រកាសរបស់អាជ្ញាធរសុខាភិបាលប៉ាឡេស្ទីនកាលពីថ្ងៃទី ១៥ មករា  បានឲ្យដឹងថា ការវាយប្រហាររបស់កងទ័ពអ៊ីស្រាអែលលើតំបន់ហ្គាហ្សាបានបណ្តាលឲ្យមនុស្សយ៉ាងហោចណាស់ ១៥០នាក់ស្លាប់ និងប្រហែល ៣០០នាក់រងរបួស ដែលភាគច្រើនជាជនស៊ីវិល។ រីឯខ្លួនវិញ រដ្ឋមន្រ្តីការពារជាតិអ៊ីស្រាអែល លោក Yoav Gallant បានសង្កត់ធ្ងន់ថា ការវាយប្រហាររបស់ IDF នឹងមិនបញ្ឈប់ទេ នៅពេលដែលមិនទាន់សម្រេចបានគោលដៅដែលបានដាក់ចេញ គឺយកឈ្នះលើកងកម្លាំងហាម៉ាស និងជួយសង្គ្រោះចំណាប់ខ្លាំងទាំងអស់៕