កម្មវិធីនេះ ត្រូវបានរៀបចំឡើងដោយផ្ទាល់នៅខេត្ត Tay Ninh រួមជាមួយនឹងការតភ្ជាប់តាមអ៊ីនធឺណែតនៅលើវេទិកា Zoom និងផ្សព្វផ្សាយនៅលើទំព័រ Facebook របស់នាយកដ្ឋានជំរុញពាណិជ្ជកម្ម។

ក្រសួងឧស្សាហកម្ម និងពាណិជ្ជកម្មបានឲ្យដឹងថា ក្នុងរយៈពេលប៉ុន្មានឆ្នាំកន្លងទៅ វៀតណាមគឺជាដៃគូពាណិជ្ជកម្មជួរមុខរបស់កម្ពុជា ដោយមានទំហំពាណិជ្ជកម្មរវាងប្រទេសទាំងពីរ រក្សាបាននូវអត្រាកំណើនវិជ្ជមាននិងស្ថិរភាព។ ក្នុងរយៈពេល ៤ ឆ្នាំចាប់ពីឆ្នាំ ២០១៦-២០២០ ពាណិជ្ជកម្មទ្វេភាគីរវាងវៀតណាម និងកម្ពុជាសម្រេចបានកំណើនជាមធ្យម ១៧% ក្នុងមួយឆ្នាំ ពីកម្រិត ២,៩២ ពាន់លានដុល្លារក្នុងឆ្នាំ ២០១៥ ឡើងដល់ ៥,៣២ ពាន់លានដុល្លារក្នុងឆ្នាំ ២០២០។ នាពេលថ្មីៗនេះ បើទោះបីជាជំងឺកូវីដ-១៩ បានបង្កឧបសគ្គជាច្រើនដល់សកម្មភាពពាណិជ្ជកម្មនៅព្រំដែនក៏ដោយ ប្រាក់ចំណូលពីការនាំចេញរវាងវៀតណាម និងកម្ពុជានៅតែទទួលបានលទ្ធផលវិជ្ជមាន។ ជាក់ស្តែងនៅឆ្នាំ ២០២១ ការនាំចេញទំនិញរបស់វៀតណាមទៅកាន់កម្ពុជាសម្រេចបាន៤,៨ ពាន់លានដុល្លារ កើនឡើង ១៥,៧% បើប្រៀបធៀបនឹងឆ្នាំ ២០២០។

កម្មវិធីពិគ្រោះយោបល់នេះ ត្រូវបានរំពឹងថា នឹងជួយឱ្យសហគ្រាសទាញយកប្រកប ដោយប្រសិទ្ធភាពនូវអត្ថប្រយោជន៍ និងលក្ខខណ្ឌអំណោយផលដើម្បីជំរុញការនាំចេញទៅកាន់កម្ពុជា៕