ទិដ្ឋភាពនៅសិក្ខាសាលា។ (រូបថត៖ baobacninh)

អញ្ជើញថ្លែងមតិនៅសិក្ខាសាលានេះ ប្រធានរដ្ឋសភាវៀតណាម លោក Vuong Dinh Hue បានសង្កត់ធ្ងន់ថា វប្បធម៌មានឋានៈ តួនាទី និងអត្ថន័យដ៏សែនសំខាន់ ក្នុងបុព្វហេតុតស៊ូរំដោះជាតិ និងការកសាងប្រទេសជាតិ។ ក្នុងអំឡុងប្រវត្តិសាស្ត្រ បក្ស រដ្ឋ ជានិច្ចកាលយកចិត្តទុកដាក់យ៉ាងខ្លាំងចំពោះតួនាទី និងឋានៈនៃវប្បធម៌។ នាពេលថ្មីបំផុត មហាសន្និបាតបក្សទូទាំងប្រទេសលើកទី១៣ (ឆ្នាំ២០២១) បានកំណត់ការអភិវឌ្ឍមនុស្សគ្រប់ជ្រុងជ្រោយ; កសាងវប្បធម៌ជឿនលឿន ពោរពេញទៅដោយអត្តសញ្ញាណជាតិ; ការអភិវឌ្ឍវប្បធម៌ពិតជាកម្លាំងផ្ទៃក្នុងនិងកម្លាំងចលករសម្រាប់ការអភិវឌ្ឍប្រទេសជាតិ និងការការពារមាតុភូមិ។ ជំហានលោតផ្លោះជាយុទ្ធសាស្ត្រមួយក្នុងដំណាក់កាលខាងមុខនោះ គឺត្រូវតែសុក្រិតរបៀបរបប គោលនយោបាយ បំផុសសេចក្តីប្រាថ្នាក្នុងការអភិវឌ្ឍប្រទេសជាតិប្រកបដោយសិរីរុងរឿង សុភមង្គល ព្រមទាំងលើកកម្ពស់តម្លៃវប្បធម៌ និងកម្លាំងមនុស្សវៀតណាម ស្មារតីសាមគ្គីភាព មោទនភាពជាតិក្នុងបុព្វហេតុកសាង និងការពារមាតុភូមិ។ ហេតុដូច្នេះ ការកសាងរបៀបរបប គោលនយោបាយ និងប្រភពធនធានសម្រាប់ការអភិវឌ្ឍវប្បធម៌ គួរតែត្រូវបានបង្កើននិងជំរុញឲ្យបានខ្លាំងក្លាថែមទៀតក្នុងរយៈពេលខាងមុខ៕