ពិធីចុះហត្ថលេខាលើកិច្ចព្រមព្រៀងសហប្រតិបត្តិការដើម្បីប្រើប្រាស់ម៉ាកគ្រឿងសមុទ្រពីប្រទេសន័រវេស (រូបថត៖ VOV)

ក្នុងក្របខ័ណ្ឌនៃកិច្ចសហប្រតិបត្តិការពាណិជ្ជកម្មអំពីជលផលប្រកបដោយនិរន្តរភាពរវាងវៀតណាម និងន័រវេស នាព្រឹកថ្ងៃទី៤ មិថុនា នៅទីក្រុងហាណូយ ក្រុមប្រឹក្សាអាហារសមុទ្រន័រវេស Masan Group និងក្រុមហ៊ុន Golden Gate Group បានចុះហត្ថលេខាលើកិច្ចព្រមព្រៀងសហប្រតិបត្តិការប្រើប្រាស់ម៉ាក “អាហារសមុទ្រមកពីប្រទេសន័រវេស” (Seafood from Norway) លើកញ្ចប់ផលិតផលគ្រឿងសមុទ្រដែលនាំចូលពីប្រទេសន័រវេស នៅប្រព័ន្ធផ្សារទំនើប WinMart ទូទាំងប្រទេស។

ក្នុងពិធីចុះហត្ថលេខានេះ លោក Asbjorn Warvik Rortveit នាយកក្រុមប្រឹក្សាត្រី salmon ន័រវេសប្រចាំតំបន់អាស៊ីអាគ្នេយ៍បានមានប្រសាសន៍ថា សក្ដានុពលសម្រាប់អាហារសមុទ្រជាទូទៅក្នុងទីផ្សារវៀតណាមមាន ទំហំធំ រួមទាំងផលិតផលត្រី salmon របស់ន័រវេសផងដែរ។ ចំណែកលោក Nguyen Tien Dung អគ្គនាយករងនៃប្រព័ន្ធផ្សារទំនើប WinMart មានប្រសាសន៍ថា៖ “លក្ខណៈវិនិច្ឆ័យរបស់អាជីវកម្មគឺដើម្បីបម្រើអតិថិជនជាមួយនឹងផលិតផលដែលមានគុណភាព បំពេញតាមនីតិវិធីសុវត្ថិភាព និងអនាម័យចំណីអាហារដ៏តឹងរឹង ហើយមិនប៉ះពាល់ដល់បរិស្ថាន។ យើងនឹងប្តេជ្ញាក្នុងការផ្តល់ជូនអតិថិជននូវផលិតផលដែលមានគុណភាព និងប្រើប្រាស់ផលិតផលដែលមានគុណភាពល្អបំផុត ស្របតាមស្តង់ដារអន្តរជាតិក្នុងតម្លៃសមរម្យ”៕