ឧបនាយករដ្ឋមន្ត្រី លោក Vu Duc Dam អញ្ជើញថ្លែងក្នុងកិច្ចប្រជុំ

នៅក្នុងកិច្ចប្រជុំនេះ ប្រតិភូបានវាយតម្លៃខ្ពស់ចំពោះការឧបត្ថម្ភយ៉ាងសកម្មរបស់ផ្នែកវិទ្យាសាស្ត្រនិងបច្ចេកវិទ្យាក្នុងការបង្ការនិងប្រយុទ្ធប្រឆាំងជំងឺកូវីដ ១៩។ នាពេលខាងមុខនេះ ផ្នែកវិទ្យាសាស្ត្រនិងបច្ចេកវិទ្យាត្រូវការបន្តស្រាវជ្រាវវ៉ាក់សាំងនិងថ្នាំព្យាបាល វិធីសាស្រ្តធ្វើតេស្តថ្មីដោយប្រើទឹកមាត់និងដង្ហើម;  សិក្សាស្រាវជ្រាវពីរោគសញ្ញាក្រោយកូវីដ ១៩; ស្រាវជ្រាវនិងផលិតបន្ថែមឧបករណ៍តេស្តនិងម៉ាស៊ីនដកដង្ហើម។

បច្ចុប្បន្ន វ៉ាក់សាំង Nanocovax ដែលស្រាវជ្រាវនិងផលិតដោយក្រុមហ៊ុនហ៊ុនភាគហ៊ុនបច្ចេកវិទ្យាជីវៈសាស្ត្រត្រូវបានវាយតម្លៃនៅពាក់កណ្តាលដំណាក់កាលទី ៣ ហើយកំពុងរង់ចាំការយល់ព្រមពីក្រសួងសុខាភិបាលសម្រាប់ការប្រើប្រាស់ជាបន្ទាន់។ ជាមួយគ្នានេះ ថ្នាំព្យាបាលជំងឺកូវីដ -១៩ ក៏ត្រូវបានស្រាវជ្រាវនិងផលិតផងដែរ។

នៅក្នុងកិច្ចប្រជុំនេះ ឧបនាយករដ្ឋមន្ត្រីលោក Vu Duc Dam បានអះអាងថា ការរួមចំណែករបស់វិទ្យាសាស្ត្រនិងបច្ចេកវិទ្យាក្នុងរយៈពេលប៉ុន្មានឆ្នាំកន្លងមកនេះ មានសារៈសំខាន់ខ្លាំងណាស់ក្នុងការបង្ការនិងគ្រប់គ្រងជំងឺកូវីដ ១៩។ ឧបនាយករដ្ឋមន្ត្រីលោក Vu Duc Dam បានកត់ សម្គាល់ថា ថ្នាំនិងវ៉ាក់សាំងនៅតែត្រូវបន្តនិងជាដំណោះស្រាយដ៏សំខាន់នៅក្នុងការងារបង្ការនិងគ្រប់គ្រងការរីករាលដាលនៃជំងឺឆ្លងនាពេលបច្ចុប្បន្ន នៅពេលដែលភាពស៊ាំក្នុងសហគមន៍ឈានដល់ជាង ៧០% នោះហានិភ័យនៃការឆ្លងនឹងត្រូវបានកាត់បន្ថយ។ លោកឧបនាយករដ្ឋមន្រ្តីបានលើកឡើងអំពីការពិតដែលថា ប្រជាជននៅខេត្តភាគខាងត្បូង ដូចជាទីក្រុងហូជីមិញ Binh Duong និង Dong Nai  ... ដែលធ្លាប់ឆ្លងមេរោគនិងចាក់វ៉ាក់សាំងរួចហើយ ប៉ុន្តែនៅតែអាចចម្លងមេរោគ SAR-COV-2 និងអាចចម្លងទៅអ្នកដទៃ ដូច្នេះមូលដ្ឋានចាំបាច់ត្រូវកែលម្អវិធានការដើម្បីការពារនិងគ្រប់គ្រងការរីករាលដាលនៃជំងឺកូវីដ ១៩៕