ឧបនាយករដ្ឋមន្ត្រីលោក Vu Duc Dam៖ បញ្ហាប្រឈមធំបំផុតគឺធ្វើយ៉ាងម៉េចដើម្បីមនុស្សគ្រប់រូបត្រូវយល់ថា ការអភិវឌ្ឍប្រកបដោយចីរភាពគឺជាការងារដែលចាំបាច់ត្រូវធ្វើ (រូបថត៖ VGP/Đình Nam)

នាថ្ងៃទី ១០ ធ្នូនៅទីក្រុងហាណូយ ឧបនាយករដ្ឋមន្ត្រីលោក Vu Duc Dam ប្រធានក្រុមប្រឹក្សាជាតិដឹកនាំការអភិវឌ្ឍន៍ដោយចីរភាពនិងបង្កើនសមត្ថភាពប្រកួតប្រជែងបានអញ្ជើញចូលរួមវេទិកាធុរកិច្ចដោយចីរភាពវៀតណាម (VCSF) ឆ្នាំ ២០២០ ជាមួយប្រធានបទ “ការអភិវឌ្ឍប្រកបដោយចីរភាពក្នុងទសវត្សថ្មី៖ ប្រែក្លាយបញ្ហាប្រឈមទៅជាឱកាស”។ វេទិកានេះត្រូវបានរៀបចំឡើងដោយសភាពាណិជ្ជកម្មនិងឧស្សាហកម្ម វៀតណាម (VCCI) និងក្រុមប្រឹក្សាធុរកិច្ចដើម្បីការអភិវឌ្ឍប្រកបដោយចីរភាពវៀតណាម (VBCSD) ដែលទាក់ទាញការចូលរួមផ្ទាល់របស់តំណាងទាំងជាតិនិងអន្តរជាតិ ជាង ៣០០ នាក់ និងតំណាងជាង ៥០០ នាក់បានតាមដានតាមប្រព័ន្ធវីដេអូ។

តំណាងចូលរួមវេទិកាបានចែករំលែកព័ត៌មាន ទាក់ទងនឹងផែនការអនុវត្តប្រកបដោយចីរភាព សុក្រិត ស្ថាប័នច្បាប់សម្រាប់ការការពារបរិស្ថាន កាត់បន្ថយកាកសំណល់ប្លាស្ទិកនិងឆ្លើយតបទៅនឹងការប្រែប្រួលអាកាសធាតុជាដើម។

អញ្ជើញថ្លែងមតិក្នុងវេទិកា ឧបនាយករដ្ឋមន្រ្តីលោក Vu Duc Dam បានស្នើឱ្យ VCCI និងក្រសួងពាក់ព័ន្ធ បន្តការសម្របសម្រួលយ៉ាងជិតស្និទ្ធ ផ្លាស់ប្តូរនិងទទួលយករាល់យោបល់ដើម្បីលុបបំបាត់បញ្ហានានានិងផ្លាស់ប្តូរថ្មីនូវក្របខ័ណ្ឌគោលនយោបាយ សម្រាប់បរិយាកាសអាជីវកម្មអំណោយផលជាង៕