ប្រធានាធិបតីសហព័ន្ធរុស្ស៊ីលោក Vladimir Putin (VOV)

        Vovworld-ដំណើរទស្សនកិច្ចនៅវៀតណាមរបស់ប្រធានាធិបតី​រុស្ស៊ីនឹង​ជំរុញ​ទំនាក់ទំនងរវាងប្រទេសទាំងពីរឡើងកំពស់ថ្មីនោះជាការអះអាងរបស់ប្រធានរដ្ឋ
វៀតណាមលោក Truong Tan Sang ក្នុងពេលឆ្លើយសម្ភាសទីភ្នាក់ងារសារ​ព័ត៌មាន
Itar-Tass និងកាសែត Kommersant (ពាណិជ្ជករ) របស់សហព័ន្ធរុស្ស៊ីអំពី​ទំនាក់ទំនង
រវាងវៀតណាម-រុស្ស៊ីមុននឹងដំណើរទស្សនកិច្ចថ្នាក់រដ្ឋមកវៀតណាម​របស់
ប្រធានាធិបតីសហព័ន្ធរុស្ស៊ីលោក Vladimir Putin នាថ្ងៃទី១២វិច្ឆិកាឆ្នាំ​២០១៣។

        ប្រធានរដ្ឋវៀតណាមលោក Truong Tan Sang បានសង្កត់ធ្ងន់ថា ទំនាក់​ទំនង​រវាងវៀតណាមនិងសហព័ន្ធរុស្ស៊ីមានកម្រាស់ប្រវត្តិសាស្ត្រជាង៦០ឆ្នាំដោយ​ផ្អែកទៅលើមូលគ្រឹះរឹងមាំជាទំនាក់ទំនងមិត្តភាពប្រពៃណីនិងជួយឧបត្ថម្ភទៅ
វិញទៅមក។ វៀតណាមនិងសហព័ន្ធរុស្ស៊ីបានក្លាយទៅជាដៃគូរយុទ្ធសាស្ត្រជា
មួយគ្នា​នាឆ្នាំ២០០១និងដៃគូរយុទ្ធសាស្ត្រលើគ្រប់វិស័យនាឆ្នាំ២០១២។ លើមូល
គ្រឹះដ៏​រឹងមាំ​នោះ កិច្ចសហប្រតិបត្តិការទ្វេភាគីកាន់តែត្រូវបានអភិវឌ្ឍន៍លើគ្រប់
វិស័យពីមួយ​ថ្ងៃ​ទៅមួយថ្ងៃ។ ទំនាក់ទំនងនយោបាយមានទំនុកទុកចិត្តខ្ពស់ កិច្ច​
សហប្រតិបត្តិ​ការ​សេដ្ឋកិច្ចប្រកបដោយប្រសិទ្ធភាព កិច្ចសហប្រតិបត្តិការមនុស្ស
សាស្ត្រកាន់​តែ​បានបើកទូលាយដោយឥតឈប់ឈរ។

        ប្រធានរដ្ឋបានឲ្យដឹងថា កិច្ចសហប្រិតបត្តិការសេដ្ឋកិច្ចរវាងប្រទេសទាំងពីរ​ក្នុងរយៈពេលកន្លងមកទទួលបានលទ្ធផលសកម្ម។ តំលៃពាណិជ្ជកម្មទ្វេភាគីបាន​កើនឡើងជាបន្តបន្ទាប់ក្នុងប៉ុន្មានឆ្នាំកន្លងមក។ ក្នុងឆ្នាំ២០១២ទទួលបាន២,៤៥​ពាន់​លានដុល្លារអាមេរិកនិងរយៈពេល៩ខែដើមឆ្នាំ២០១៣ទទួលបាន២,៤ពាន់​លាន​
ដុល្លារអាមេរិក។ ភាគីទាំងពីរត្រូវខំប្រឹងប្រែងចរចារនិងចុះហត្ថលេខាលើ​កិច្ច​ព្រមព្រៀងពាណិជ្ជកម្មសេរី (FTA) រវាងវៀតណាមនិងសម្ព័ន្ធភាពគយរួមមានរុស្ស៊ី​បេឡារុសនិងកាហ្សាក់ស្ថាន។ កិច្ចព្រមព្រៀងនេះនឹងបង្កើតជំហានលោត​ផ្លោះ​សំដៅអនុវត្តគោលដៅបង្កើនតំលៃពាណិជ្ជកម្មទ្វេភាគីឡើង៧ពាន់លានដុល្លារ​អាមេរិកនាឆ្នាំ២០១៥។

        ប្រធានរដ្ឋ Truong Tan Sang បានលើកច្បាស់ថា រដ្ឋនិងប្រជាជនវៀតណាម​ចាត់​ទុកដំណើរទស្សនកិច្ចរបស់ប្រធានាធិបតី Putin ជាព្រឹត្តិការណ៍មានអត្ថន័យ​សំខាន់
ពិសេសក្នុងទំនាក់ទំនងវៀតណាម-សហព័ន្ធរុស្ស៊ី។ ក្នុងក្របខ័ណ្ឌដំណើរ​ទស្សន
កិច្ច​ថ្នាក់ដឹកនាំនៃប្រទេសទាំងពីរនឹងផ្លាស់ប្តូរនឹងវាយតំលៃលទ្ធផល​សហប្រតិបត្តិ
ការទ្វេភាគីលើគ្រប់វិស័យនិងដាក់ចេញទិសដៅធំៗដើម្បីអភិវឌ្ឍន៍​ទំនាក់ទំនង
សហប្រតិបត្តិការលើគ្រប់វិស័យជ្រាលជ្រៅនិងជាក់ស្ដែងថែមទៀតក្នុងប៉ុន្មានឆ្នាំ
ខាងមុខ។ ភាគីទាំងពីរក៏បានផ្លាស់ប្តូរអំពីបណ្ដាបញ្ហាអន្តរជាតិនិងដំបន់​ដែលយក
ចិត្តទុកដាក់ដូចគ្នា ប្រមូលផ្ដុំពិភាគ្សាស្ថានភាពសហប្រតិបត្តិការ​រវាង​វៀតណាម
និងសហព័ន្ធរុស្ស៊ីក្នុងក្របខ័ណ្ឌយន្តការក្រោមឱវាទអង្គការ​សហប្រជាជាតិ វេទិការ
សហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ជាដើម៕