លោកស្រីអនុប្រធានរដ្ឋ Vo Thi Anh Xuan ប្រគល់អំណោយបុណ្យតេតដល់គ្រួសារគោលនយោបាយ គ្រួសារក្រីក្រ កម្មករ កម្មការិនី និងកុមារដែលមានស្ថានភាពលំបាកនៅខេត្ត Long An។ (រូបថត៖ TTXVN)

លោកស្រីអនុប្រធានរដ្ឋ Vo Thi Anh Xuan បានលើកសរសើរចំពោះស្នាដៃរបស់កម្លាំងនគរបាល Long An ក្នុងការធានាសន្តិសុខ សណ្តាប់ ធ្នាប់ ក៏ដូចជាសមិទ្ធិផលនានាក្នុងការអភិវឌ្ឍសេដ្ឋកិច្ចសង្គមរបស់ខេត្ត Long An; ទន្ទឹម នឹងនោះ ស្នើឲ្យកម្លាំងនគរបាលត្រូវសហការយ៉ាងជិតស្និទ្ធជាមួយមូលដ្ឋានជាប់ព្រំដែន នានា ក្នុងការបំពេញភារកិច្ចការពារសន្តិសុខក្នុងស្រុក និងសន្តិសុខតាមព្រំដែន។

នាថ្ងៃដដែល អនុប្រធានរដ្ឋសភាវៀតណាម លោក Nguyen Duc Hai បានទៅ សួរសុខទុក្ខ និងជូនពរឆ្នាំថ្មីដល់កម្មាភិបាលនិងយុទ្ធជននៅប៉ុស្តិ៍ការពារព្រំដែន Chi Lang និងកងកម្លាំងមានសមត្ថភាពប្រចាំនៅច្រកទ្វារព្រំដែន Na Cang និងច្រកទ្វារ ព្រំដែន Ban Chat។ ថ្លែងមតិជាមួយបណ្ដាអង្គភាព លោកអនុប្រធានរដ្ឋសភាមាន បំណងថា កម្មាភិបាល យុទ្ធជននៃប៉ុស្តិ៍ការពារព្រំដែន Chi Lang និងកងកម្លាំងមាន សមត្ថកិច្ច បន្តខិតខំប្រឹងប្រែង កសាងកងកម្លាំងការពារព្រំដែនដ៏រឹងមាំគ្រប់ជ្រុងជ្រោយ បំពេញឲ្យបានល្អនូវភារកិច្ចការពារអធិបតេយ្យភាពក្នុងស្ថានភាពថ្មី; សម្របសម្រួល ជាមួយអាជ្ញាធរមូលដ្ឋាន ដើម្បីរៀបចំសកម្មភាពដ៏ជាក់ស្តែង និងមានអត្ថន័យក្នុង ឱកាសបុណ្យតេតប្រពៃណីរបស់ប្រទេសជាតិ។

ក្នុងឱកាសនេះ លោកអនុប្រធានរដ្ឋសភា Nguyen Duc Hai បានប្រគល់ អំណោយចំនួន ១៦០ កញ្ចប់ជូនដល់គ្រួសារគោលនយោបាយ ជនក្រីក្រ និងជនមាន កិត្យានុភាពក្នុងសហគមន៍ជនជាតិភាគតិចនៅឃុំ Binh Xa (ស្រុក Dinh Lap)៕