អនុប្រធានរដ្ឋវៀតណាម លោកស្រី Vo Thi Anh Xuan ប្រគល់រូបឆាយាល័ក្សលោកប្រធានហូជីមិញជូនបណ្ដាយុទ្ធនារី Truong Son។ (រូបថត៖ TTXVN)

ក្នុងឱកាសរំលឹកខួបអនុស្សាវរីយ៍លើកទី ៧៥ ទិវាយុទ្ធជនពិការ យុទ្ធជនពលី (ថ្ងៃទី ២៧ កក្កដា) នាព្រឹកថ្ងៃទី ២៥ កក្កដា នៅវិមានប្រធានរដ្ឋ អនុប្រធានរដ្ឋវៀត ណាម លោកស្រី Vo Thi Anh Xuan បានទទួលជួបគណៈប្រតិភូសមាគមយុទ្ធនារី Truong Son - ផ្លូវហូជីមិញ។ នៅក្នុងជំនួបនេះ លោកស្រីអនុប្រធានរដ្ឋបានបញ្ជាក់ថា ការលះបង់របស់បណ្ដាយុទ្ធនារី Truong Son បានរួមចំណែកយ៉ាងធំធេងដើម្បីបង្កើត ឡើងជ័យជំនះដ៏ត្រចះត្រចង់របស់ប្រជាជាតិ។ រូបភាពយុទ្ធនារីគឺជាគំរូភ្លឺស្វាងសម្រាប់យុវជនជំនាន់បច្ចុប្បន្នសិក្សានិងយកតម្រាប់តាម។

លោកស្រីអនុប្រធានរដ្ឋ Vo Thi Anh Xuan បានឲ្យដឹងថា នាពេលខាងមុខ បក្ស រដ្ឋនឹងបន្តមានគោលនយោបាយនិងដំណោះស្រាយដ៏សមស្រប ដើម្បីជួយលើកកំពស់ ជីវភាពរស់នៅរបស់បណ្ដាយុទ្ធនារី Truong Son។

ឧបនាយករដ្ឋមន្ត្រីប្រចាំការរដ្ឋាភិបាលលោក Pham Binh Minh សួរសុខទុក្ខលោកតាលោកយាយនៅមជ្ឈមណ្ឌលថែទាំ ជនមានគុណូបការៈចំពោះបដិវត្តន៍ទីក្រុងដាណាំង។ (រូបថត៖ VOV)

ក៏នាព្រឹកថ្ងៃទី២៥ ខែកក្កដា ឧបនាយករដ្ឋមន្ត្រីប្រចាំការរដ្ឋាភិបាលលោក Pham Binh Minh បានចុះសាកសួរសុខទុក្ខ និងប្រគល់អំណោយនៅមជ្ឈមណ្ឌលថែទាំ ជនមានគុណូបការៈចំពោះបដិវត្តន៍ យុទ្ធជនពិការនិងយុទ្ធជនជំងឺនៅទីក្រុង Da Nang៕