លោកស្រី Ngo Thi Kim Yen អនុប្រធានគណៈកម្មាធិការប្រជាជនទីក្រុង Da Nang និងលោក Trinh Ngoc Thanh អគ្គនាយករងក្រុមហ៊ុន Vietnam Airlines ក្នុងពិធីចុះហត្ថលេខាលើកិច្ចព្រមព្រៀងសហប្រតិបត្តិការ (រូបថត៖ Tran Le Lam - TTXVN)

នារសៀលថ្ងៃទី៣ ខែមីនា នៅទីក្រុង Da Nang គណៈកម្មាធិការប្រជាជនទីក្រុង Da Nang និងសម្ព័ន្ធក្រុមហ៊ុនអាកាសចរណ៍វៀតណាម (Vietnam Airlines) បានប្រារព្ធពិធីចុះហត្ថលេខាលើកិច្ចសហប្រតិបត្តិការលើវិស័យជំរុញការវិនិយោគ ពាណិជ្ជ កម្ម ទេសចរណ៍ និងសេវាកម្មអនុវត្តបច្ចេកវិទ្យាព័ត៌មាន (ដំណាក់កាល ២០២៣- ២០២៧។ យោងតាមកិច្ចព្រមព្រៀងសហប្រតិបត្តិការ ភាគីទាំងពីរនឹងសម្របសម្រួលដើម្បីលើកកម្ពស់វិស័យទេសចរណ៍ វិនិយោគពាណិជ្ជកម្ម អាកាសចរណ៍ គោលដៅនានា ហើយជាពិសេសរួមចំណែកដល់ការស្តារឡើងវិញនូវវិស័យទេសចរណ៍ បន្ទាប់ពីរងផលប៉ះពាល់នៃការរីករាលដាលនៃជំងឺកូវីដ-១៩។

ទន្ទឹមនឹងនោះ បង្កើតគោលនយោបាយគាំទ្រ និងផ្តល់អាទិភាពដល់ការប្រើប្រាស់ផលិតផល និងសេវាកម្មរបស់គ្នាទៅវិញទៅមកប្រកបដោយប្រសិទ្ធភាព។ ពង្រឹងការផ្សព្វផ្សាយរូបភាព ក្នុងគោលបំណងក្លាយជាដៃគូដ៏ទូលំទូលាយរបស់គ្នាទៅវិញទៅ មកក្នុងដំណើរការប្រតិបត្តិការ និងការអភិវឌ្ឍ។ គិតត្រឹមខែមីនា ឆ្នាំ ២០២៣ ទីក្រុង Da Nang គ្រោងនឹងមានផ្លូវហោះហើរត្រង់ចំនួន ២៤ ជើង ដែលក្នុងនោះមានជើងហោះហើរក្នុងស្រុកចំនួន ៨ និងជើងហោះហើរអន្តរជាតិចំនួន ១៦។ ជើង ហោះហើរជាមធ្យមគឺ ១០០ - ១១២ ជើងក្នុងមួយថ្ងៃ។ ដោយឡែក ក្រុមហ៊ុនអាកាសចរណ៍វៀតណាមបានប្រតិបត្តិការជើងហោះហើរក្នុងស្រុក ៧/៨ និងជើងហោះហើរអន្តរជាតិ ៣/១៦ជើង៕