អនុប្រធានគណៈកម្មាធិការរណសិរ្សមាតុភូមិវៀតណាម ទីក្រុងហូជីមិញ លោកស្រី Phan Kieu Thanh Huong។ (រូបថត៖ TTXVN)

គណៈប្រតិភូបានផ្តល់អំណោយចំនួន ១៥០កញ្ចប់ ដល់គ្រួសារដែលមានស្ថានភាពលំបាក; អាហារូបករណ៍ចំនួន ៥០កញ្ចប់ ដើម្បីជួយឧបត្ថម្ភការសិក្សាដល់សិស្សានុសិស្សជនជាតិខ្មែរ និស្សិតកម្ពុជានិងឡាវមួយចំនួនដែលកំពុងសិក្សារៀនសូត្រនៅទីក្រុងហូជីមិញ។ អនុប្រធានគណៈកម្មាធិការរណសិរ្សមាតុភូមិវៀតណាម ទីក្រុងហូជីមិញ លោកស្រី Phan Kieu Thanh Huong បានផ្ញើសារជូនពរដល់ព្រះសង្ឃខ្មែរថេរវាទ និងបងប្អូនជនរួមជាតិខ្មែរដែលកំពុងរស់នៅ និងសិក្សារៀនសូត្រក្នុងទីក្រុង ដើម្បីចូលរួមអបអរសាទរបុណ្យចូលឆ្នាំថ្មីប្រពៃណី ប្រកបដោយសុវត្ថិភាព និងមានសុខភាពល្អ ហើយបានថ្លែងអំណរគុណចំពោះព្រះសង្ឃថេរវាទ និងពលរដ្ឋជនជាតិខ្មែរក្នុងតំបន់ នាពេលកន្លងមក តែងតែរួបរួមសាមគ្គីគ្នា ចូលរួមយ៉ាងសកម្មក្នុងចលនាប្រលងប្រណាំងស្នេហាជាតិ ដែលរៀបចំឡើងដោយរណសិរ្សមាតុភូមិ; ហើយបានកសាង និងបង្រួបបង្រួមផែនមហាសាមគ្គីជនជាតិទាំងមូល៕