មុខទំនិញជាច្រើនប្រភេទត្រូវបានបញ្ចុះតម្លៃក្នុងក្របខ័ណ្ឌខែប្រូម៉ូសិនហាណូយឆ្នាំ២០២២។

តាមរយៈខែប្រូម៉ូសិនហាណូយ អង្គភាព អាជីវកម្មរៀបចំកម្មវិធីប្រូម៉ូសិនរាប់ម៉ឺន ជាមួយនឹងការលក់បញ្ចុះតម្លៃរហូតដល់ ៥០% សម្រាប់ទំនិញប្រើប្រាស់គ្រប់ប្រភេទ។

ដើម្បីត្រៀមរៀបចំសម្រាប់ព្រឹត្តិការណ៍ទាំងនេះ អង្គភាពអាជីវកម្មជាច្រើនបាន រៀបចំទំនិញយ៉ាងហ្មត់ចត់អស់រយៈពេលជាច្រើនខែកន្លងមក។ លោក Nguyen Quang Duc នាយកផ្នែក Marketing នៃប្រព័ន្ធផ្សារទំនើបអេឡិចត្រូនិក PICO បានឲ្យដឹងថា៖ “យើងខ្ញុំបានធ្វើការជាមួយអ្នកផ្គត់ផ្គង់មួយចំនួនដើម្បីត្រៀមរៀបចំទំនិញឲ្យបាន គ្រប់គ្រាន់ ហើយស្នើសុំឧបត្ថម្ភពីក្រុមហ៊ុន ក៏ដូចជាពីថវិកាផ្ទាល់ខ្លួន ដើម្បីធានាបាននូវ ការបញ្ចុះតម្លៃជាមធ្យម ២០ ដល់ ៣០% សម្រាប់ផលិតផលដែលបានដាក់លក់នៅ ផ្សារទំនើប Pico”។

ក្រៅពីនោះ មានផលិតផលខ្លះ ត្រូវបានបញ្ចុះតម្លៃរហូតដល់ ៥០ ដល់ ៦០% នៅក្នុងរយៈពេលម៉ោងមាស ឬកម្មវិធីប្រូម៉ូសិនពិសេសផងដែរ”។ ដើម្បីជួយជ្រោមជ្រែងកម្មវិធីខែប្រូម៉ូសិនហាណូយ អង្គភាពអាជីវកម្មជាច្រើន បានផ្តល់កម្មវិធីអនុគ្រោះ និងអំណោយពិសេសជូនអតិថិជន។ លោក Nguyen Quy Tan នាយកផ្សារទំនើប Mediamart My Dinh ឲ្យដឹងថា៖ “នៅពេលអនុវត្តន៍ខែប្រូម៉ូសិនហាណូយ យើងខ្ញុំសន្យាកាត់ចោលការចំណាយ ទាក់ទងនឹងការផ្សាយពាណិជ្ជកម្ម និងសារព័ត៌មាន ដើម្បីឧបត្ថម្ភដោយផ្ទាល់ដល់ តម្លៃផលិតផល។ ផលិតផលជាង ៣ ម៉ឺន យើងខ្ញុំធានាការបញ្ចុះតម្លៃពី ១៥ ដល់ ៧០% ។ ជាពិសេស ក្នុងរដូវកាល World Cup ខាងមុខនេះ យើងខ្ញុំមានកម្មវិធីទិញទូរទស្សន៍ ប្ដូរទូរទស្សន៍ ដោយមានការបញ្ចុះតម្លៃរហូតដល់ ៣ លានដុង”៕