ធ្វើឲ្យស៊ីជម្រៅថែមទៀតទំនាក់ទំនងដៃគូរយុទ្ធសាស្ត្រនិងអភិវឌ្ឍន៍ទំនាក់ទំនងសហប្រតិបត្តិការលើគ្រប់វិស័យវៀតណាម-ឥណ្ឌា (VOV)

        Vovworld-នាថ្ងៃទី២៩តុលាឆ្លើយសម្ភាសមជ្ឈដ្ឋានអ្នកកាសែតក្នុងឱកាស​
ព្រឹត្តិការណ៍​នាយករដ្ឋមន្ត្រីវៀតណាមលោក Nguyen Tan Dung បញ្ចប់ដំណើរ
​ទស្សនកិច្ចនៅឥណ្ឌា អនុរដ្ឋមន្ត្រីក្រសួងការបរទេសវៀតណាមលោក Pham
Quang Vinh បានឲ្យដឹងថា៖ ដំណើរទស្សនកិច្ចនៅឥណ្ឌារបស់លោក​នាយករដ្ឋ​
មន្ត្រី​ទទួលបានជោគជ័យយ៉ាងល្អប្រសើរ។ វៀតណាមនិងឥណ្ឌា​អះអាង​គោរព
​ទំនាក់ទំនងនិងឯកភាពខ្ពស់អំពីការបន្តធ្វើឲ្យស៊ីជម្រៅទំនាក់ទំនង​ដៃគូយុទ្ធ
សាស្ត្រ​និងអភិវឌ្ឍន៍ទំនាក់ទំនងសហប្រតិបត្តិការលើគ្រប់វិស័យរវាង​ប្រទេស
​ទាំងពីរលើវិស័យនានា រួមមាននយោបាយសេដ្ឋកិច្ចការពារជាតិ​សន្តិសុខ​វិទ្យា
សាស្ត្របច្ចេកវិទ្យានិងវប្បធម៍អប់រំ។ នាយករដ្ឋមន្ត្រីឥណ្ឌាលោក Narendra Modi
និងថ្នាក់ដឹកនាំឥណ្ឌាបានអះអាងថា ភាគីទាំងពីរមុនក៏​ដូចជា​ក្រោយគាំទ្រទំនាក់
ទំនងមិត្តភាពជាប្រពៃណីនិងដៃគូរយុទ្ធសាស្ត្រវៀតណាម-ឥណ្ឌានិងចាត់ទុកវៀត
ណាមជាសសរសំខាន់បំផុតក្នុងគោលនយោបាយឆ្ពោះទៅខាងកើតនិងសកម្ម
ភាពឆ្ពោះទៅខាងកើតរបស់ឥណ្ឌា។

         ភាគីទាំងពីរបានឯកភាពចាត់ទុកការបង្កើនកិច្ចសហប្រតិបត្តិការសេដ្ឋកិច្ចជា
គោលដៅយុទ្ធសាស្ត្រនៃទំនាក់ទំនងទ្វេភាគី ខំប្រឹងប្រែងនាំតំលៃប្រាក់​ពាណិជ្ជកម្ម
ទទួលបាន១៥ពាន់លានដុល្លារអាមេរិកនាឆ្នាំ២០២០។ ស្ដីពី​បញ្ហា​សន្តិសុខ​ការពារ
ជាតិ ភាគីទាំងពីរឯកភាពបន្តបង្កើនកិច្ចសហប្រតិបត្តិការការពារ​ជាតិនិងសន្តិសុខ
លើមូលដ្ឋានយន្តការកិច្ចព្រមព្រៀងសហប្រតិបត្តិការដែល​មានស្រាប់​បង្កើនផ្លាស់
ប្តូរគណៈប្រតិភូការសន្ទនាគោលនយោបាយការពារជាតិ​សន្តិសុខ។

        ស្ដិពីបញ្ហាសមុទ្រខាងកើត ភាគីទាំងពីរឯកភាពសង្កត់ធ្ងន់ទៅលើសារ​សំខាន់
នៃការធានាសន្តិភាពស្ថិរភាពសន្តិសុខសុវត្ថិភាពនិងសេរីភាពនាវាចរណ៍និងអាកាស
ចរណ៍នៅសមុទ្រខាងកើត ដោះស្រាយជំលោះដោយសន្តិវិធី មិន​គំរាមកំហែងឬ
ប្រើប្រាស់អំពើរហឹង្សាគោរពច្បាប់អន្តរជាតិ អនុសញ្ញាអង្គការ​សហប្រជាជាតិស្ដីពី
ច្បាប់សមុទ្រឆ្នាំ១៩៨២និងសេចក្តីថ្លែងការណ៍ស្ដីពីការ​ប្រតិបត្តិសំរាប់ភាគីនានានៅ
សមុទ្រខាងកើត (DOC) និងគាំទ្រការទទួលបាន​ក្រមប្រតិបត្តិដំបន់នៅសមុទ្រខាង
កើត (COC)។ ឥណ្ឌាអះអាងគាំទ្រគោល​ជំហរ​របស់វៀតណាមនិងអាស៊ានក្នុងការ
ដោះស្រាយបញ្ហានៅសមុទ្រខាងកើតនិង​ឯកភាពបន្តបង្កើនកិច្ចសហប្រតិបត្តិការ
ជាមួយវៀតណាមរុករកអាជីវកម្មប្រេង​ឧស្ម័ននៅដំបន់សមុទ្ររបស់វៀតណាមនៅ
សមុទ្រខាងកើត ទន្ទឹមនឹងនោះ​អះអាង​ត្រៀមខ្លួនជាស្រេចសហប្រតិបត្តិការជាមួយ
វៀតណាមនិងអាស៊ានក្នុង​ការលាតត្រដាងការផ្ដួតផ្ដើមគំនិតសំដៅកសាងយន្តការ
រក្សានិងធានាសន្តិភាពស្ថិរភាពសហប្រតិបត្តិការនិងអភិវឌ្ឍន៍នៅដំបន់នេះ៕