រូបថត៖ baochinhphu.vn

នៅចំពោះមុខស្ថានភាពនេះ អនុរដ្ឋមន្ត្រីក្រសួងកសិកម្ម និងអភិវឌ្ឍន៍ជនបទ លោក Phung Duc Tien បានឲ្យដឹងថា ដើម្បីឲ្យកប៉ាល់នេសាទវៀតណាមមិនបំពានបទប្បញ្ញត្តិប្រឆាំងនឹងការនេសាទខុសច្បាប់ គ្មានរបាយការណ៍ និងគ្មានច្បាប់គ្រប់គ្រង (IUU) ក្រសួងនឹងណែនាំជាពិសេសទៅកាន់ខេត្ត ក្រុងនីមួយៗ ដើម្បីបង្កើនការគ្រប់គ្រងការនេសាទ ក្នុងនោះមានការដំឡើង និងបើកឧបករណ៍ត្រួតពិនិត្យនាវា (VMS) នៃនាវានេសាទ។ សម្របសម្រួលជាមួយក្រសួង និងសាខាពាក់ព័ន្ធក្នុងការត្រួតពិនិត្យទូកនេសាទនៅលើដែននេសាទ។ អនុរដ្ឋមន្ត្រី Phung Duc Tien បានឲ្យដឹងថា៖

“ត្រូវតែមានសកម្មភាពយ៉ាងម៉ឺងមាត់ ដើម្បីរាំងស្កាត់ការរំលោភលើដែនទឹកបរទេសរបស់នាវានេសាទ។ ប្រការនេះមានសារៈសំខាន់ និងមានលក្ខណៈសម្រេច។ ទន្ទឹមនឹងនោះ ត្រូវធានាថា ទិន្នផលនេសាទនៅគ្រប់តំបន់ និងគ្រប់មូលដ្ឋានទាំងអស់អាចតាមដានបានប្រភព តាំងពីការកត់ត្រាសៀវភៅកំណត់ហេតុ រហូតដល់តំបន់ធ្វើអាជីវកម្ម រយៈបណ្តោយ រយៈទទឹង នាំត្រីចូលកំពង់ផែ... ពោលគឺទាំងអស់នេះ ត្រូវតែមានប្រភពដើមច្បាស់លាស់។ ពេលនាំចេញត្រូវមានឯកសារគ្រប់គ្រាន់តាំងពីពេលធ្វើអាជីវកម្ម ដល់ការនាំចេញទៅកាន់ទីផ្សារ៕