ប្រធានគណៈកម្មាធិការមូលបត្ររដ្ឋ លោកស្រី Vu Thi Chan Phuong នៅសន្និសីទ។ (រូបថត៖ tinnhanhchungkhoan.vn)

ថ្លែងនៅទីនេះ លោកស្រី Vu Thi Chan Phuong បានឲ្យដឹងថា ទីផ្សារមូលបត្រ វៀតណាមមានការអភិវឌ្ឍគួរឲ្យចាប់អារម្មណ៍ក្នុងរយៈពេលប៉ុន្មានឆ្នាំកន្លងមកនេះ។ ទីផ្សាររក្សាបាននូវប្រតិបត្តិការយ៉ាងស្វាហាប់ សន្ទនីយភាពល្អ ហើយបានអះអាងខ្លួន ឯងជាកាណាលកៀរគរមូលធនរយៈពេលមធ្យម និងវែងដ៏សំខាន់សម្រាប់សេដ្ឋកិច្ច និងសហគ្រាស ក៏ដូចជាកាណាលវិនិយោគដ៏ទាក់ទាញសម្រាប់សាធារណជន និង វិនិយោគិនទាំងជាតិនិងអន្តរជាតិផងដែរ។ ក្នុងប៉ុន្មានឆ្នាំថ្មីៗនេះ ទីផ្សារមូលបត្រវៀត ណាមបានក្លាយទៅជាគោលដៅគួរឲ្យទុកចិត្តសម្រាប់វិនិយោគិនជាច្រើនលើពិភព លោក ជាពិសេសនៅក្នុងតំបន់អាស៊ីប៉ាស៊ីហ្វិក។ លោកស្រី Vu Thi Chan Phuong បានសង្កត់ធ្ងន់ថា៖ មិនត្រឹមតែអាចកៀរគរដើមទុនកាន់តែងាយស្រួលតាមរយៈទីផ្សារ មូលបត្រប៉ុណ្ណោះទេ សហគ្រាសវៀតណាមថែមទាំងមានការបោះជំហានគួរឱ្យកត់ សម្គាល់ក្នុងអភិបាលកិច្ច តម្លាភាព និងការអភិវឌ្ឍប្រកបដោយចីរភាពទៀតផង។ ដើម្បីបន្តជួយគាំទ្រសហគ្រាស និងអភិវឌ្ឍន៍ទីផ្សារមូលបត្រតាមទិសដៅគុណភាព និងនិរន្តរភាព វៀតណាមកំពុងអនុវត្តន៍យ៉ាងខ្ជាប់ខ្ជួននូវការរៀបចំរចនាសម្ព័ន្ធទីផ្សារ ឡើងវិញដោយផ្អែកលើសសរស្តម្ភចំនួន ៤៖ មូលដ្ឋានទំនិញ; ការរៀបចំទីផ្សារ;មូលដ្ឋានវិនិយោគិន; អង្គការពាណិជ្ជកម្មមូលបត្រ៕