ពលរដ្ឋវៀតណាមត្រឡប់មកពីអ៊ុយក្រែនវិញ

យោងតាមអ្នកនាំពាក្យលោកស្រី Le Thi Thu Hang បានឲ្យដឹងថា នៅពេលដែលកើតមានការវិវឌ្ឍតានតឹងជុំវិញស្ថានការណ៍នៅអ៊ុយក្រែននោះ លោកនាយករដ្ឋមន្ត្រីបានចេញផ្សាយលិខិតស្ដីពីកិច្ចគាំពារប្រជាពលរដ្ឋ និងនីតិបុគ្គលវៀតណាម ក៏ដូចជាបញ្ហាមួយចំនួនដែលត្រូវយកចិត្តទុកដាក់ចំពោះស្ថានការណ៍នៅអ៊ុយក្រែន។

នារយៈពេលកន្លងទៅ រដ្ឋមន្ត្រីការបរទេសវៀតណាម លោក Bui Thanh Son បានធ្វើកិច្ចសន្ទនាតាមទូរស័ព្ទជាមួយរដ្ឋមន្ត្រីការបរទេសរុស្ស៊ី អ៊ុយក្រែន និងរូម៉ានី ប្រគល់សំបុត្រជូនរដ្ឋមន្ត្រីការបរទេសប៉ូឡូញ និងទទួលជូបជាមួយឯកអគ្គរដ្ឋទូតនៃបណ្ដាប្រទេសពាក់ព័ន្ធប្រចាំនៅវៀតណាម ដោយស្នើឲ្យជួយឧបត្ថម្ភធានាសន្តិសុខ និងសុវត្ថិភាពជាអតិបរមាជូនប្រជាពលរដ្ឋវៀតណាម និងក្រុមគ្រួសារពួកគេ ក៏ដូចជាបង្ករាល់លក្ខណៈងាយស្រួលជូនប្រជាពលរដ្ឋវៀតណាម និងក្រុមគ្រួសារពួកគេធ្វើការជម្លៀស ព្រមទាំងជួយសម្រួលរៀបចំជើងហោះហើរដឹកបងប្អូនជនរួមជាតិឲ្យវិលត្រឡប់មកប្រទេសវិញ។ នាបច្ចុប្បន្ននេះ វៀតណាមបានរៀបចំជើងហោះហើរចំនួន ៦ ជើង ដោយដឹកប្រជាជនវៀតណាម និងក្រុមគ្រួសារពួកគេប្រមាណ ១ ២០០ នាក់ ដេលមានបំណងចង់វិលត្រឡប់មកប្រទេសវិញប្រកបដោយសុវត្ថិភាព។

កិច្ចខិតខំប្រឹងប្រែងទាំងអស់របស់ស្ថាប័នមានសមត្ថកិច្ចវៀតណាមទទួលបានការគាំទ្រ ស្រុះចិត្តគំនិត និងវាយតម្លៃខ្ពស់ពីសំណាក់បងប្អូនជនរួមជាតិវៀតណាមនៅឯបរទេស ក៏ដូចជាប្រជាជនក្នុងប្រទេសផងដែរ៕