ទិដ្ឋភាពនៅជំនួបនេះ។ (រូបថត៖ VOV)

នាយករដ្ឋមន្ត្រី លោក Pham Minh Chinh បាន សម្តែងនូវក្តីសោមនស្សរីករាយ ចំពោះទំនាក់ទំនងភាពជាដៃគូយុទ្ធសាស្ត្រវៀតណាម-អូស្ត្រាលីដែលកំពុងអភិវឌ្ឍន៍ យ៉ាងល្អប្រសើរ ជាពិសេសកិច្ចសហប្រតិបត្តិការពាណិជ្ជកម្ម និងវិនិយោគ។ នាយក រដ្ឋមន្រ្តីលោក Pham Minh Chinh វាយតម្លៃខ្ពស់ចំពោះកិច្ចសហប្រតិបត្តិការក្នុងវិស័យ ការពារជាតិរវាងប្រទេសទាំងពីរ នាពេលកន្លងមក ជាពិសេសក្នុងការបណ្តុះបណ្តាល និងរក្សាសន្តិភាពរបស់អង្គការសហប្រជាជាតិ ព្រមទាំងបានស្នើឱ្យភាគីទាំងពីរបន្ត អនុវត្តន៍កិច្ចសហប្រតិបត្តិការដែលមានស្រាប់ ស្របតាមកិច្ចព្រមព្រៀងដែលបានចុះ ហត្ថលេខា។

ជាការឆ្លើយតប ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិអូស្ត្រាលី លោក Richard Marles បានឲ្យដឹងថា លោកមានការចាប់អារម្មណ៍ចំពោះការអភិវឌ្ឍន៍ គួរឲ្យកត់សម្គាល់របស់វៀតណាម ជាពិសេសបើប្រៀបធៀបទៅនឹងកាលពី ៣០ ឆ្នាំមុន នៅពេលដែលលោកមកដល់ប្រទេសវៀតណាម ហើយសម្ដែងគោលបំណងថានៅ ឆ្នាំ២០២៣ ជាឆ្នាំដែលវៀតណាមនិងអូស្ត្រាលីប្រារព្ធខួបលើកទី៥០នៃការបង្កើត ទំនាក់ទំនង ប្រទេសទាំងពីរនឹងលើកកម្រិតទំនាក់ទំនងទៅជាភាពជាដៃគូយុទ្ធសាស្ត្រ គ្រប់ជ្រុងជ្រោយ៕