នាយករដ្ឋមន្ត្រីជប៉ុនគ្រោងនឹងរុះរើគណៈរដ្ឋមន្ត្រីនៅខែកញ្ញា
(VOVWORLD) - យោងតាមប្រភពព័ត៌មានពីរដ្ឋាភិបាលជប៉ុនបានឱ្យដឹងថា នាយករដ្ឋមន្ត្រី លោក Fumio Kishida គ្រោងនឹងរុះរើគណៈរដ្ឋមន្ត្រី និងថ្នាក់ដឹកនាំគណបក្សសេរីប្រជាធិបតេយ្យ (LDP) ដែលកំពុងកាន់អំណាច នៅដើមខែកញ្ញា សំដៅបង្កើតរដ្ឋាភិបាលយូរអង្វែងមួយ ដើម្បីបង្កលក្ខខណ្ឌអំណោយផលសម្រាប់ការអនុវត្តគោលនយោបាយនាពេលខាងមុខ។
 នាយករដ្ឋមន្ត្រីជប៉ុនលោក Fumio Kishida ថ្លែងទៅកាន់ប្រព័ន្ធផ្សព្វផ្សាយនៅទីក្រុងតូក្យូ ថ្ងៃទី ១៩ ខែមិថុនា ឆ្នាំ ២០២២។ (រូបថត ៖ Kyodo/TTXVN) |
តាមការគ្រោងទុក លោកនាយករដ្ឋមន្ត្រី Kishida នឹងរក្សាមុខតំណែងមួយចំនួន បន្ទាប់ពី LDP បានទទួលជ័យជម្នះលើសលប់នៅក្នុងការបោះឆ្នោតព្រឹទ្ធសភា កាលពីថ្ងៃទី ១០ ខែកក្កដាកន្លងទៅ រួមមានអនុប្រធានគណបក្សLDP លោក Taro Aso អគ្គលេខាធិការ លោក Toshimitsu Motegi ប្រធានខុទ្ទកាល័យគណៈរដ្ឋមន្ត្រី លោក Hirokazu Matsuno និងអនុប្រធានខុទ្ទកាល័យគណៈរដ្ឋមន្ត្រី លោក Seiji Kihara៕