លោកនាយករដ្ឋមន្ត្រី Pham Minh Chinh ថ្លែងមតិក្នុងសន្និសីទ (រូបថត៖ baochinhphu.vn)

នាព្រឹកថ្ងៃទី១ ខែកុម្ភៈ នៅទីក្រុងហាណូយ នាយករដ្ឋមន្ត្រីលោក Pham Minh Chinh បានអញ្ជើញជាអធិបតីក្នុងសន្និសីទវាយតម្លៃលទ្ធផលនៃការអនុវត្តបទ បញ្ញត្តិស្តីពីទំនាក់ទំនងការងាររវាងរដ្ឋាភិបាល និងសហព័ន្ធពលកម្មវៀតណាម ដោយដាក់ចេញភារកិច្ចសម្របសម្រួលកិច្ចសហប្រតិបត្តិការក្នុង ២០២៣ និងនៅពេលអនាគត។

អញ្ជើញថ្លែងមតិក្នុងសន្និសីទនេះ លោកនាយករដ្ឋមន្ត្រី Pham Minh Chinh បានវាយតម្លៃខ្ពស់ចំពោះសហព័ន្ធពលកម្មវៀតណាម និងរដ្ឋាភិបាលដែលបានរួមដៃគ្នាយ៉ាងសកម្មក្នុងការដោះស្រាយបញ្ហាបន្ទាន់នៃការងារ ធ្វើប្រាក់ចំណូល លំនៅឋាន ហេដ្ឋារចនាសម្ព័ន្ធវប្បធម៌ សង្គម សុខភាព ការអប់រំ និងជីវភាពរស់នៅរបស់កម្មករ ក៏ដូចជា សុក្រិតយន្តការ និងគោលនយោបាយទាក់ទងនឹងបុគ្គលិក។

នាពេលខាងមុខ លោកនាយករដ្ឋមន្ត្រីបានស្នើឱ្យភាគីទាំងពីរយកចិត្តទុកដាក់ និងផ្តល់អាទិភាពលើការងារសំខាន់ៗចំនួនបី រួមមាន៖ ទី១ បង្កើនការងារ ដោះស្រាយការលំបាកពេលទីផ្សារត្រូវបង្រួញគម្លាត ការបញ្ជាទិញត្រូវកាត់បន្ថយដោយ សារឥទ្ធិពលខាងក្រៅ។ ទី២ ផ្តោតលើការដោះស្រាយបញ្ហាលំនៅឋានដើម្បីរួមចំណែកលើកកម្ពស់ជីវភាពសម្ភារៈរបស់កម្មករ។ ទី៣ ជំរុញការកសាងស្ថាប័នវប្បធម៌ កីឡា សុខាភិបាល និងអប់រំ រួមចំណែកលើកស្ទួយស្មារតីផ្លូវចិត្ត និងសុខភាពរបស់បុគ្គលិក។

លោកនាយករដ្ឋមន្ត្រីក៏បានស្នើឲ្យក្រសួង ស្ថាប័ន សាខា មូលដ្ឋាន និងសហជីពគ្រប់លំដាប់ថ្នាក់បន្តសម្របសម្រួល និងរួមដំណើរជាមួយរដ្ឋាភិបាល រួមសហការកសាងសហជីពវៀតណាមដ៏រឹងមាំ ដែលជាវណ្ណៈកម្មករទំនើប និងខ្លាំងមាំមួន៕