នាយករដ្ឋមន្ត្រីវៀតណាម លោក Nguyen Xuan Phuc ទទួលជួបជាមួយ ឯកអគ្គរាជទូតអង់គ្លេស

ក្នុងជំនួបនេះ លោក Nguyen Xuan Phuc បានវាយតម្លៃខ្ពស់ចំពោះការរួម វិភាគទានយ៉ាងសកម្មនិងប្រកបដោយប្រសិទ្ធិភាពរបស់ឯកអគ្គរដ្ឋទូតអង់គ្លេសក្នុងការអនុវត្តនិងធ្វើឲ្យជាក់ស្តែងនូវវិធានការនានាដើម្បីជំរុញទំនាក់ទំនងភាពជាដៃគូយុទ្ធសាស្ត្ររវាងប្រទេសទាំងពីរ។ លោក Nguyen Xuan Phuc បានអះអាងថា ភាគីទាំងពីរគប្បីបន្តពង្រីកសមិទ្ធផលដែលបានសម្រេចនិងខិតខំប្រឹងប្រែងនាំមកនូវទំនាក់ទំនងសេដ្ឋកិច្ចទ្វេភាគីឱ្យបានសកិ្តសមជាមួយក្របខ័ណ្ឌនៃទំនាក់ទំនងភាពជាដៃគូយុទ្ធសាស្ត្រនិងសក្តានុភាពនៃកិច្ចសហប្រតិបត្តិការនៃប្រទេសទាំងពីរ។ទន្ទឹមនឹងនេះភាគីទាំងពីរ គប្បីសហការគ្នាដើម្បីរៀបចំកិច្ចប្រជុំនៃគណៈកម្មា ធិការសេដ្ឋកិច្ច-ពាណិជ្ជកម្មវៀតណាម-អង់គ្លេស(JETCO)ឲ្យបានល្អនាពេលខាង មុខនេះផងដែរ។ លោក Nguyen Xuan Phuc ក៏បានសង្កត់ធ្ងន់ថា ឆ្នាំ២០១៨ ជាឆ្នាំដែលប្រទេសទាំងពីររំលឹកខួបលើកទី៤៥នៃការបង្កើតទំនាក់ទំនងការទូត ហេតុដូច្នេះហើយប្រទេសទាំងពីរគប្បីពង្រឹងនិងពង្រីកការផ្លាស់ប្តូរសកម្មភាព ជួបប្រាស្រ័យទាក់ទងគ្នាដើម្បីរួមចំណែកក្នុងការបង្កើនចំណងមិត្តភាព និងការ ស្វែងយល់គ្នាទៅវិញទៅមករវាងប្រទេសជាតិទាំងពីរ។

រីឯខ្លួនវិញ លោក Giles Lever បានអះអាងថា វៀតណាមសំរេចបាននូវលទ្ធផល ល្អជាច្រើនក្នុងការកែលំអបរិយាកាសធ្វើអាជីវកម្មហើយរដ្ឋាភិបាលអង់គ្លេស ត្រៀមខ្លួនជាស្រេចក្នុងការជួយឧបត្ថម្ភផ្នែកច្ចេកទេសជូនដល់វៀតណាមលើ វិស័យនេះ។ លោក  Giles Lever ក៏សង្កត់ធ្ងន់ថាការអប់រំនិងបណ្តុះបណ្តាល គឺជា វិស័យអាទិភាពសម្រាប់កិច្ចសហប្រតិបត្តិការនៃប្រទេសទាំងពីរ ហើយអង់គ្លេស នឹងបង្កើនចំនួនអាហារូបករណ៍សំរាប់និស្សិតវៀតណាម។ក្រៅពីនេះដែរ អង់គ្លេស នឹងជួយគាំទ្រយ៉ាងខ្លាំងក្លាក្នុងការធានាសន្តិសុខសុវត្ថិភាពសេរីភាពនៃការធ្វើនាវាចរណ៍នៅសមុទ្រខាងកើតក៏ដូចជាគោរពយ៉ាងខ្ជាប់ខ្ជួនតាមអនុសញ្ញាអង្គការសហប្រជាជាតិស្តីពីច្បាប់សមុទ្រផងដែរ៕