នាយករដ្ឋមន្ត្រីវៀតណាមបានចរចារតាមទូរសព្ទជាមួយនាយករដ្ឋមន្ត្រីជប៉ុន។ (nld.com.vn)

        VOV-នាព្រឹកថ្ងៃទី១សីហា នាយករដ្ឋមន្ត្រីរដ្ឋាភិបាលវៀតណាមលោក
Nguyen Tan Dung បានចរចារតាមទូរសព្ទជាមួយនាយករដ្ឋមន្ត្រីជប៉ុនលោក Shinzo
Abe។ នាយករដ្ឋមន្ត្រី Nguyen Tan Dung បានស្វាគមន៍​គណៈ​បក្ស​សេរីភាព​ប្រជាធិបតេយ្យជប៉ុននិងនាយករដ្ឋមន្ត្រី Shinzo Abe ដណ្ដើមបាន​ជ័យជំនះ​នៅក្នុង
ការបោះឆ្នោតព្រឹទ្ធសភានាពេលកន្លងទៅនិងចាត់ទុកថា លទ្ធផល​នេះបានឆ្លុះ
បញ្ជាំងការគាំទ្រនិងទំនុកទុកចិត្តរបស់ប្រជាជនជប៉ុនចំពោះរដ្ឋាភិបាលនិងបុគ្គល
នាយករដ្ឋមន្ត្រី Abe។​ នាយករដ្ឋមន្ត្រី Shinzo Abe បានអះអាងថា រដ្ឋាភិបាលជប៉ុន
យកចិត្តទុកដាក់ដល់ទំនាក់ទំនងជាមួយវៀតណាម ចាត់ទុក​វៀតណាមដូចជាដៃគូ
ទំនុកទុកចិត្តនៅដំបន់។

        ផ្លាស់ប្តូរតាមរយៈទូរសព្ទ នាយករដ្ឋមន្ត្រីទាំងពីររូបបានអះអាងថា នឹងបន្ត​សហប្រតិបត្តិការជិតស្និទ្ធសំដៅរួមចំណែកនាំទំនាក់ទំនងដៃគូរយុទ្ធសាស្ត្រវៀត
ណាម-ជប៉ុនអភិវឌ្ឍន៍លើគ្រប់វិស័យនិងលើកំពស់ថ្មី ដើម្បីផលប្រយោជន៍​របស់​ប្រជាជននៃប្រទេសទាំងពីរ រួមចំណែកឲ្យសន្តិភាពស្ថិរភាព​សហប្រតិបត្តិការនិង​អភិវឌ្ឍន៍នៅដំបន់អាស៊ី-ប៉ាស៊ីហ្វិកនិងលើពិភពលោក។ នាយករដ្ឋមន្ត្រីទាំង​ពីររូប
​ក៏​ឯកភាពបន្តបញ្ជាណែនាំរៀបចំបណ្ដាសកម្មភាពរបស់ឆ្នាំមិត្តភាពវៀតណាម-
ជប៉ុន២០១៣ក្នុងឱកាសរំលឹកខួបលើកទី៤០ទិវាបង្កើតទំនាក់ទំនងការទូតរវាង​
ប្រទេសទាំងពីរ តាមរយៈនោះបង្កើនចំណងមិត្តភាពនិងការយល់ដឹងរវាងប្រជាជន
​នៃ​ប្រទេសទាំងពីរ។ ក្នុងឱកាសនេះដែរនាយករដ្ឋមន្ត្រី Nguyen Tan Dung និង​សមភាគី
ជប៉ុន Shinzo Abe បានផ្លាស់ប្តូរលើបញ្ហាអន្តរជាតិនិងដំបន់មួយចំនួន​ដែល​ភាគីទាំងពីរ
យកចិត្តទុកដាក់ដូចគ្នាទន្ទឹមនឹងនោះឯកភាពយល់ព្រមជំរុញ​ទំនាក់ទំនង
សហប្រតិបត្តិការអាស៊ាន-ជប៉ុន៕