នាយករដ្ឋមន្ត្រីសាធារណៈរដ្ឋម៉ូសំប៊ិកបញ្ចប់ដំណើរទស្សនសកិច្ចជាផ្លូវការនៅវៀតណាមប្រកបដោយជោគជ័យ

(VOVWORLD) -  នាថ្ងៃទី ៣ សីហា នាយករដ្ឋមន្ត្រីសាធារណៈរដ្ឋម៉ូសំប៊ិក លោក Carlos Agostinho do Rosario បានអញ្ជើញបញ្ជប់ដំណើរទស្សនកិច្ចជាផ្លូវការនៅវៀត ណាមតាមសេចក្តីអញ្ជើញរបស់នាយករដ្ឋមន្ត្រីប្រទេសម្ចាស់ផ្ទះលោក Nguyen Xuan Phuc។ ក្នុងក្របខ័ណ្ឌដំណើរទស្សនកិច្ច នាយករដ្ឋមន្ត្រីម៉ូសំប៊ិក លោក Carlos Agostinho do Rosario បានជួបចរចារជាមួយនាយករដ្ឋមន្ត្រីវៀតណាម លោក Nguyen Xuan Phuc ជួបសម្តែងការគួសមអគ្គលេខាបក្សកម្មុយនិស្ត វៀតណាម លោក Nguyen Phu Trong និងជួបធ្វើការជាមួយថ្នាក់ដឹកនាំសម្ព័ន្ធ ក្រុមហ៊ុនធំៗរបស់វៀតណាមលើវិស័យកសិកម្មទូរគមនាគមន៍។ ក្នុងឱកាសនេះ ភាគីទាំងពីរបានចុះហត្ថលេខាលើអនុស្សរណៈយោគយល់គ្នាស្តីអំពីកិច្ចសហប្រតិបត្តិការការពារអភិរក្សបណ្ដាសត្វរុក្ខជាតិព្រៃនិងកិច្ចព្រមព្រៀងស្តីអំពីសេវ៉ាកម្ម ដឹកជញ្ជូនអាកាសចរណ៍រវាងរដ្ឋាភិបាលសាធារណៈរដ្ឋសង្គមនិយមវៀតណាម និងរដ្ឋាភិបាលសាធារណៈម៉ូសំប៊ិក៕