នាយករដ្ឋមន្រ្តីលោក Nguyen Xuan Phuc ទទួលជួបអគ្គកុងស៊ុលកិត្តិយសវៀតណាមប្រចាំតំបន់ Busan – Kyeongnam នៃប្រទេសកូរ៉េខាងត្បូង
(VOVWORLD) - នាព្រឹកថ្ងៃទី២៤ ខែសីហា នៅរដ្ឋធានីហាណូយ នាយករដ្ឋមន្រ្តីវៀតណាមលោក Nguyen Xuan Phuc បានអញ្ជើញទទួលជួបសវនាការជាមួយអគ្គកុងស៊ុលកិត្តិយស វៀតណាមប្រចាំតំបន់ Busan – Kyeongnam នៃប្រទេសកូរ៉េខាងត្បូងលោក Park Soo Kwan និងក្រុមសហគ្រិននៃទីក្រុង Busan ដែលកំពុងអញ្ជើញមកបំពេញទស្សនកិច្ចការងារនៅវៀតណាម។
 នាយករដ្ឋមន្រ្តីលោក Nguyen Xuan Phuc (ខាងស្ដាំ) ទទួលជួបអគ្គកុងស៊ុលកិត្តិយសវៀតណាមប្រចាំតំបន់ Busan – Kyeongnam នៃប្រទេសកូរ៉េខាងត្បូង |
នៅជំនួបនេះ នាយករដ្ឋមន្រ្តីលោក Nguyen Xuan Phuc បានសម្ដែងគោលបំណងថា លោក Park Soo Kwan នឹងបន្តចលនាសហគ្រាសកូរ៉េខាងត្បូងជាច្រើនថែមទៀតបណ្ដាក់ទុនចូលមកវៀតណាម ឬសហការជាមួយសហគ្រាសវៀតណាមក្នុងការនាំចូលមុខទំនិញកសិផលដោយគុណភាពខ្ពស់ ព្រោះថានេះជាឧត្តមភាពមួយរបស់វៀតណាម ហើយក៏ជាតម្រូវការធំរបស់កូរ៉េខាងត្បូងផងដែរ។ លោក Nguyen Xuan Phuc បានអះអាងថា រដ្ឋាភិបាលវៀតណាមនឹងជានិច្ចកាលជួយឧបត្ថម្ភយ៉ាងសកម្មដើម្បីលោក Park Soo Kwan បំពេញល្អនូវតួនាទីជាអគ្គកុងស៊ុលកិត្តិយសវៀតណាមប្រចាំតំបន់ Busan – Kyeongnam ក៏ដូចជាតួនាទីជាវិនិយោគិននៅវៀតណាមផងដែរ។
រីឯខ្លួនវិញ លោក Park Soo Kwan បានសន្យាថា នឹងបន្តចលនាសហគ្រាសធំៗនិងមានលទ្ធភាពក្នុងតំបន់បង្កើនការវិនិយោគទុនចូលមកវៀតណាម ព្រមទាំងខិតខំប្រឹងប្រែងអស់ពីកម្លាំងកាយចិត្ត ដើម្បីពូនជ្រុំឲ្យទំនាក់ទំនងភាពជាដៃគូសហប្រតិបតិ្តការយុទ្ធសាស្ត្ររវាងប្រទេសទាំងពីរកាន់តែអភិវឌ្ឍន៍ពីមួយថ្ងៃទៅមួយថ្ងៃ៕