នាយករដ្ឋមន្រ្តីវៀតណាម លោក Nguyen Xuan Phuc បំពេញការងារនៅខេត្ត Quang Binh

នៅក្នុងកម្មវិធីបំពេញការងារនៅខេត្ត Quang Binh ភាគកណ្ដាលវៀតណាម នាព្រឹកថ្ងៃទី ២៥ សីហា នាយករដ្ឋមន្រ្តីវៀតណាម លោក Nguyen Xuan Phuc បានអញ្ជើញទៅបំពេញទស្សនកិច្ចការងារនៅឃុំជនបទថ្មី Duc Trach ស្រុក Bo Tranh ខេត្ត Quang Binh។ នៅទីនេះ លោក Nguyen Xuan Phuc បានលើកសរសើរឃុំ ក្នុងការសម្រេចរួចរាល់គោលដៅកសាងជនបទថ្មី។ លោកស្នើឲ្យថ្នាក់ដឹកនាំឃុំជួយឧបត្ថម្ភប្រជាជនផ្លាស់ប្ដូរមុខរបរ។

មុននោះ នាព្រឹកថ្ងៃទី ២៥ សីហា លោក Nguyen Xuan Phuc បានអញ្ជើញចូលរួមពិធីបើកឲ្យដំណើរការស្ពាន Nhat Le ២ នៅទីក្រុង Dong Hoi ខេត្ត Quang Binh ។

        ក៏នាថ្ងៃទី ២៥ សីហាដដែល នៅខេត្ត Quang Binh ស្រុកកំណើតរបស់នាយឧត្តមសេនីយ៍ លោក Vo Nguyen Giap  លោក Nguyen Xuan Phuc បានចូលរួមកម្មវិធីចេញផ្សាយពិសេសនូវកម្រងតែមប្រៃសណីយ៍ នាយឧត្តមសេនីយ៍ លោក Vo Nguyen Giap ៕