នាយករដ្ឋមន្រ្តីលោក Nguyen Xuan Phuc អញ្ជើញថ្លែងនៅកិច្ចប្រជុំ (រូបថត៖ chinhphu.vn)

អញ្ជើញថ្លែងនៅកិច្ចប្រជុំ នាយករដ្ឋមន្រ្តីលោក Nguyen Xuan Phuc បាន វាយតម្លៃថា វិស័យឧស្សាហកម្មឧបត្ថម្ភក្នុងប្រទេសបានសម្រេចលទ្ធផលវិជ្ជមាន ជាច្រើន ដែលក្នុងនោះមានការធានាអត្រាមូលដ្ឋានីយកម្មប្រមាណពី៤០ទៅ ៤៥%សម្រាប់វិស័យតម្បាញកាត់ដេរនិងស្បែកជើង ពី១០ទៅ ២០%សម្រាប់ វិស័យផលិតនិងដម្លើងរថយន្តក្រោម៩កៅអី ហើយ១៥%សម្រាប់វិស័យអេឡិច ត្រូនិកកុំព្យូរទ័រ ផងដែរ។

        ចំពោះគោលដៅអភិវឌ្ឍវិស័យឧស្សាហកម្មឧបត្ថម្ភនៅវៀតណាម លោក នាយករដ្ឋមន្រ្តីបានសង្កត់ធ្ងន់ថា វៀតណាមចាំបាច់ត្រូវខិតខំប្រឹងប្រែងថែមទៀត ដើម្បីដល់ឆ្នាំ២០២០វៀតណាមមានផលិតផលឧស្សាហកម្មដែលមានលទ្ធភាពប្រកួតប្រជែងខ្ពស់ ដែលអាចឆ្លើយតបទៅនឹង៤៥%នៃតម្រូវការផលិតនិងប្រើ ប្រាស់ក្នុងស្រុក ព្រមទាំងមានសហគ្រាសប្រមាណ១០០០អង្គភាពដែលមាន លទ្ធភាពផ្គត់ផ្គង់សម្រាប់សហគ្រាសដម្លើង និងសម្ព័ន្ធក្រុមហ៊ុនពហុជាតិនៅលើ ដែនដីវៀតណាម។ ដល់ឆ្នាំ២០៣០ ផលិតផលឧស្សាហកម្មឧបត្ថម្ភរបស់វៀត ណាមអាចឆ្លើយតបទៅនឹង៧០%នៃតម្រូវការផលិតនិងប្រើប្រាស់ក្នុងស្រុក ព្រម ទាំងមានសហគ្រាសប្រមាណ២០០០អង្គភាពដែលមានលទ្ធភាពផ្គត់ផ្គង់សម្រាប់ សហគ្រាសដម្លើងនិងសម្ព័ន្ធក្រុមហ៊ុនពហុជាតិនៅលើដែនដីវៀតណាម។ នាយក រដ្ឋមន្រ្តីវៀតណាមលោក Nguyen Xuan Phuc បានសង្កត់ធ្ងន់ថា៖

        “ការអភិវឌ្ឍសហគ្រាសឧស្សាហកម្មឯកជននៅក្នុងប្រទេសត្រូវក្លាយទៅជាកម្លាំងចលករសម្រាប់ការអភិវឌ្ឍប្រទេសជាតិនិយាយរួម ដែលក្នុងនោះត្រូវ យកចិត្តទុកដាក់ជាពិសេសដល់ការចាប់ផ្ដើមអាជីវកម្ម ការកំណត់ទិសដៅ សម្រាប់វិស័យវិនិយោគនិងឧស្សាហកម្មឧបត្ថម្ភ។ ដំណោះស្រាយទី២គឺប្រភព ធនធានមនុស្សក្នុងវិស័យឧស្សាហកម្ម ជាពិសេសគឺក្នុងបដិវត្តន៍ឧស្សាហកម្ម លើកទី៤នេះ។ គ្មានប្រភពធនធានគឺពិតជាពិបាកណាស់ដើម្បីអភិវឌ្ឍន៍”៕