នាយករដ្ឋមន្រ្តីអង់គ្លេសលោក Boris Johnson ក្នុងកិច្ចសន្ទនាតាមទូរស័ព្ទជាមួយប្រធានគណៈកម្មការអឺរ៉ុបលោកស្រី Ursula von der Leyen ដោយពិភាក្សាពីលទ្ធភាពនៃកិច្ចប្រជុំកំពូលស្តីពីកិច្ចព្រមព្រៀងក្រោយ Brexit ( រូបថត៖ VNA)

ទោះជាយ៉ាងណាក៏ដោយ លោកក៏បានសន្យាថានឹងខិតខំប្រឹងប្រែងឱ្យអស់ ពីសមត្ថភាព ដើម្បីទប់ស្កាត់ភាពវឹកវរដែលអាចកើតមានឡើង នៅ ពេលដែលភាគីទាំងពីរ បានបញ្ចប់ រយៈពេលអន្តរកាលនៅថ្ងៃទី ៣១ ខែធ្នូខាងមុខ។

ថ្នាក់ដឹកនាំអង់គ្លេសបានព្រមានដូចពោលខាងលើ ក្នុងបរិបទដែលភាគីទាំងពីរឯកភាពគ្នា ជ្រើសរើសយកថ្ងៃទី ១៣ ខែធ្នូ គឺជាថ្ងៃចេញសេចក្តីសម្រេចចិត្តចុងក្រោយសម្រាប់ការចរចាកិច្ចព្រមព្រៀងក្រោយ Brexit ។

ប៉ុន្តែទោះបីពេលវេលាកំណត់នេះមិនទាន់មកដល់ក៏ដោយ ក៏ប៉ុន្តែលទ្ធភាពនៃការឈានទៅរកភាពជោគជ័យនេះគឺពិតជាទាបណាស់ ពីព្រោះគណៈរដ្ឋមន្រ្តីអង់គ្លេសចាត់ទុកសេចក្តីព្រាងនៃកិច្ចព្រមព្រៀងដែលស្នើឡើងដោយសហភាពអឺរ៉ុប គឺមិនអាចទទួលយកបាន   ឡើយ។ នាបច្ចុប្បន្ននេះ ភាគីទាំងពីរនៅតែមិនឯកភាពគ្នាលើខ្លឹមសារគន្លឹះទាំង៣ រួមមានសិទ្ធិនេសាទ សមភាពនិងការដោះស្រាយវិវាទផងដែរ៕