ឧបនាយករដ្ឋមន្ត្រីលោក Vuong Dinh Hue បានជួបធ្វើការជាមួយ លោក Adams Oshiomhole ប្រធានគណបក្សមហាសន្និបាតមនុស្សជឿនលឿន (APC) (រូបថត៖ ទីភ្នាក់ងារសារព័ត៌មានវៀតណាម)

នាយប់ថ្ងៃទី២៩ ខែតុលាតាម ម៉ោងវៀតណាម ក្នុងក្របខ័ណ្ឌនៃដំណើរទស្សនកិច្ចការងារនៅ នីហ្សេរីយ៉ា ឧបនាយករដ្ឋមន្ត្រីលោក Vuong Dinh Hue បានជួបធ្វើការជាមួយ លោក Adams Oshiomhole ប្រធានគណបក្សមហាសន្និបាតមនុស្ស ជឿន លឿន (APC) កាន់អំណាច់នៅ នីហ្សេរីយ៉ា។

នៅក្នុងជំនួបនេះ ភាគីទាំងពីរបានសម្ដែងបំណងថា វៀតណាម និង នីហ្សេរីយ៉ានឹងជំរុញការបង្កើតទំនាក់ទំនងដ៏ជិតស្និទ្ធរវាងបក្សទាំងពីរ ដើម្បីលើកស្ទួយទំនាក់ទំនងដ៏ល្អប្រសើរលើគ្រប់វិស័យដូចជា នយោបាយ សេដ្ឋកិច្ច ទេសចរណ៍ វប្បធម៌ និងកីឡារវាងប្រទេសទាំងពីរ។

ឧបនាយករដ្ឋមន្ត្រីលោក Vuong Dinh Hue បានសម្ដែងគោលបំណងចង់ពង្រឹងទំនាក់ទំនងការទូតជាមួយនីហ្សេរីយ៉ា តាមរយៈក្របខ័ណ្ឌបក្ស សភា និងរដ្ឋាភិបាល នាពេលខាងមុខ។ ទន្ទឹមនឹងនេះ វៀតណាមក៏ចង់បង្កើនកិច្ចសហប្រតិបត្តិការដោះដូរពាណិជ្ជកម្មជាមួយនីហ្សេរីយ៉ា នាពេលខាងមុខ ដូចជា៖ ស្វាយច័ន្ទី ជលផល ស្រូវអង្ករ ស្បែកជើងតាមរយៈការជួយឧបត្ថម្ភរបស់គណបក្ស APC។

ជាការឆ្លើយតប់ លោក Adams Oshiomhole ប្រធានគណបក្ស APC បានវាយតម្លៃខ្ពស់ចំពោះរាល់សមិទ្ធិផលអភិវឌ្ឍន៍សេដ្ឋកិច្ច ធានាសន្តិសុខសង្គម។ លោក Adams Oshiomhole បានអះអាងថា គណបក្ស APC និងរដ្ឋាភិបាល នីហ្សេរីយ៉ា ត្រៀមខ្លួនជាស្រេចជំរុញ និងតភ្ជាប់វៀតណាមជាមួយសហគមន៍សេដ្ឋកិច្ចនៃបណ្ដាប្រទេសអាហ្វ្រិកខាងលេច ហើយមានគោលបំណងចង់តភ្ជាប់ជាមួយតំបន់អាស៊ានតាម រយៈវៀតណាមផងដែរ៕