អនុរដ្ឋមន្ត្រីក្រសួងឧស្សាហកម្ម និងពាណិជ្ជកម្ម លោក Tran Quoc Khanh អញ្ជើញចូលរួមកិច្ចប្រជុំរដ្ឋមន្ត្រីសេដ្ឋកិច្ចអាស៊ានលើកទី ២៨។ (រូបថត៖ moit.gov.vn)

គណៈប្រតិភូវៀតណាមបានចូលរួមសន្និសីទ ក្រោមការដឹកនាំរបស់អនុរដ្ឋមន្ត្រីក្រសួងឧស្សាហកម្មនិងពាណិជ្ជកម្ម លោក Tran Quoc Khanh រួមជាមួយតំណាងក្រសួងការបរទេស ហិរញ្ញវត្ថុ ផែនការនិងវិនិយោគ។ 

នៅក្នុងកិច្ចប្រជុំនេះ រដ្ឋមន្ត្រីសេដ្ឋកិច្ចអាស៊ានបានអនុម័តលើគំនិតផ្តួចផ្តើមដែលផ្តល់អាទិភាពលើកិច្ចសហប្រតិបត្តិការសេដ្ឋកិច្ចចំនួន ១៩ របស់កម្ពុជាក្នុងឆ្នាំធ្វើជាប្រធានអាស៊ាន ឆ្នាំ ២០២២។ គំនិតផ្តួចផ្តើមទាំងនេះត្រូវបានបង្កើតឡើងតាមទិសដៅសំខាន់ៗចំនួន៤ រួមមាន៖ ការពង្រឹងការតភ្ជាប់ឌីជីថល វិទ្យាសាស្រ្ត និងបច្ចេកវិទ្យា; បង្រួញគម្លាតអភិវឌ្ឍន៍លើសមត្ថភាពប្រកួតប្រជែងរបស់អាស៊ាន។ សន្និសីទក៏បានយល់ព្រមលើអាទិភាពសេដ្ឋកិច្ចសម្រាប់ឆ្នាំ ២០២២ រួមទាំង ខ្លឹមសារចំនួន ១៥១ ផ្សេងៗគ្នា ក្នុងវិស័យពាណិជ្ជកម្មទំនិញ ពាណិជ្ជកម្មសេវាកម្ម ការវិនិយោគ កម្មសិទ្ធិបញ្ញា និងពាណិជ្ជកម្មអេឡិចត្រូនិក; សហគ្រាសធុនតូចនិងមធ្យម។

ថ្លែងមតិក្នុងសន្និសីទ គណៈប្រតិភូវៀតណាមបានអះអាងថា វៀតណាមនឹងបន្តសហការយ៉ាងជិតស្និទ្ធជាមួយបណ្តាប្រទេសអាស៊ានដទៃទៀត ដើម្បីសម្រេចបានគោលដៅរួមរបស់សហគម ន៍សេដ្ឋកិច្ចអាស៊ាន។ លើសពីនេះទៅទៀត វៀតណាមក៏បានសង្កត់ធ្ងន់លើគោលដៅពង្រឹងខ្សែសង្វាក់ផ្គត់ផ្គង់ និងធ្វើពិពិធកម្មសម្រាប់អាស៊ាន សំដៅឆ្លើយតបទៅនឹងបញ្ហាប្រឈមដែលមិនអាចទាយទុកជាមុនបាននាពេលអនាគត និងរក្សាការអភិវឌ្ឍសេដ្ឋកិច្ចប្រកបដោយចីរភាព។ ដោយឈរលើមូលដ្ឋាននោះ វៀតណាមបានស្នើឱ្យបណ្តាប្រទេសអាស៊ាន ឯកភាពគ្នានូវវិធីសាស្រ្តជាក់ស្តែងក្នុងការចរចា ដើម្បីបង្កើនឋានៈនៃកិច្ចព្រមព្រៀងពាណិជ្ជកម្មទំនិញអាស៊ាន(ATIGA) សំដៅនាំមកនូវតម្លៃបន្ថែមយ៉ាងពិតប្រាកដ សម្រាប់បណ្តាសហគ្រាសនៅអាស៊ាន៕