នៅយប់ថ្ងៃទី ១២ ខែកក្កដា សមាជិកសភា Graham Brady - ប្រធានគណៈកម្មាធិការឆ្នាំ ១៩២២ ដែលជាស្ថាប័នទទួលបន្ទុកឃ្លាំមើលការបោះឆ្នោតជ្រើសរើសមេដឹកនាំគណបក្សអភិរក្សអង់គ្លេស បានប្រកាសបញ្ជីបេក្ខជនចំនួន ៨ រូប ដែលមានសិទ្ធិឈរឈ្មោះសម្រាប់តំណែងជាមេដឹកនាំបក្សកាន់អំណាច។ ទាំងនេះគឺជាបេក្ខជនដែលបានទទួលការគាំទ្រពីសមាជិកសភាយ៉ាងតិច ២០ រូបក្នុងបក្ស នៅជុំ តែងតាំងដែលបានធ្វើឡើងមុនថ្ងៃតែមួយដើម្បីអាចចូលរួមក្នុងការបោះឆ្នោត។

សូមគូសបញ្ជាក់ថា ការបោះឆ្នោតជុំទី ១ ធ្វើឡើងនៅថ្ងៃទី ១៣ ខែកក្កដា (ម៉ោងក្នុងស្រុក) ហើយលទ្ធផលនឹងប្រកាសនៅថ្ងៃដដែល។ បេក្ខជនត្រូវតែឈ្នះយ៉ាងហោចណាស់ចំនួន ៣០ សំឡេងពីសមាជិកសភា ៣៥៨ រូបក្នុងបក្ស ដើម្បីឈានទៅជុំបន្ទាប់។ ប្រសិនបើបេក្ខជនទាំងអស់សម្រេចបានសំឡេងឆ្នោតនេះ អ្នកដែលមានសំឡេងតិចបំផុតនឹងត្រូវលុបចេញ។ ការបោះឆ្នោតជុំបន្ទាប់នឹងធ្វើឡើងនៅថ្ងៃទី ១៤ ខែកក្កដា។

តាមការកំណត់ ជុំបោះឆ្នោតជាបន្តបន្ទាប់នឹងធ្វើឡើង ដរាបណាមានបេក្ខជនពីររូបដែលត្រូវបានសមាជិកសភាអភិរក្សជ្រើសរើស ដែលគ្រោងនឹងបញ្ចប់នៅថ្ងៃទី ២១ ខែកក្កដា។ បន្ទាប់ពីនោះ សមាជិកបក្សប្រហែល ១៦ម៉ឺននាក់នឹងជ្រើសរើសមេដឹកនាំថ្មី ដោយផ្ញើសន្លឹកឆ្នោតតាមប្រៃសណី។ អ្នកឈ្នះនៃការបោះឆ្នោតជុំចុងក្រោយនេះ នឹងក្លាយជាមេដឹកនាំបក្ស និងជានាយករដ្ឋមន្ត្រីអង់គ្លេស ដែលនឹងប្រកាសនៅថ្ងៃទី ៥ ខែកញ្ញា៕