អតីតចៅក្រម Mortada Mansour (english.ahram.org.eg)

        Vovworld-អតីតចៅក្រម Mortada Mansour ប្រធានក្លឹបបាល់ទាត់ Zamalek
ល្បីឈ្មោះបំផុតនៅអេហ្ស៊ីបនាថ្ងៃទី៣១មិនាបានប្រកាសនឹងឈរឈ្មោះជា
បេក្ខជនក្នុងការបោះឆ្នោតប្រធានាធិបតីដែលគ្រោងរៀបចំឡើងនាថ្ងៃទី២៦និង
២៧​ឧសភាខាងមុខ។ លោក Mortada Mansour ជាអ្នកទី៣ដែលបានប្រកាសឈរ​
ឈ្មោះ​ជាបេក្ខជនប្រធានាធិបតី ដំណាក់កាលទី២នៃដំណើរការអន្តរកាល​នយោ
បាយ​នៅអេហ្ស៊ីបបន្ទាប់ពីការផ្ដួលរំលំរដ្ឋអំណាចរបស់ប្រធានាធិបតីឥស្លាមលោក
Mohamed Morsi នាថ្ងៃទី៣កក្កដាឆ្នាំ២០១៣កន្លងទៅ។ ថ្លែងមតិលើទូរទស្សន៍ Al
Nahar របស់​អេហ្ស៊ីប លោក Mansour បានឲ្យដឹងថា កំលាំងចលនាប្រជែងសន្លឹក
ឆ្នោតរបស់​លោកនឹងប្រមូលឲ្យបានហត្ថលេខាចំនួន២៥ពាន់របស់អ្នកបោះឆ្នោត
តាមការ​កំណត់របស់ច្បាប់បោះឆ្នោតប្រធានាធិបតីដែលទើបនឹងបានផ្សព្វផ្សាយ
នាថ្ងៃទី៨មិនាកន្លងមក។

        នាថ្ងៃដ៏ដែលយុទ្ធនាការប្រជែងសន្លឹកឆ្នោតរបស់បេក្ខជន Hamdeen Sabbahi បានចាប់ផ្ដើមសំណុំបែបបទកត្តិយុត។ បានដឹងថា​កម្មវិធីនយោបាយ​ប្រជែង​សន្លឹក
ឆ្នោតរបស់លោក Sabbahi ត្រូវបានសំរេចជាស្ថាពរ ក្នុងនោះផ្ដល់អាទិភាព​ទៅលើ
បញ្ហាសេដ្ឋកិច្ចសំដៅបង្កើតសមភាពសង្គម។ អ្នកនយោបាយស្ដាំនិយម Hamdeen
Sabbahi ប្រធានគណបក្សជំនោរប្រជាជននិងធ្លាប់ឈរលំដាប់ថ្នាក់​ទី​៣​ក្នុងការបោះ
ឆ្នោតនាពាក់កណ្ដាលឆ្នាំ២០១២។ បន្ទាប់នោះ នាថ្ងៃទី២៦មិនា​សេនាប្រមុខ Abdel
Fatah el Sisi បានប្រកាសលាលែងពីដំណែងរដ្ឋមន្ត្រី​ក្រសួង​ការពារប្រទេសដើម្បីឈរ
ឈ្មោះជាបេក្ខជនប្រធានាធិបតីតាមបំណងរបស់​ប្រជាជន៕