កិច្ចប្រជុំផ្សះផ្សារវាងបក្សពួកនានានៅប៉ាឡេស្ទីនបានប្រព្រឹត្តិទៅនៅទីក្រុង New Alamein របស់អេហ្ស៊ីប ដែលដឹកនាំដោយលោកប្រធានាធិបតី Abbas សំដៅស្វែងរកវិធីស្ដារសាមគ្គីភាពរវាងបក្ខពួកនានានៅប៉ាឡេស្ទីន ក្នុងបរិបទដែលអំពើហិង្សាបានកើនឡើងរវាងជនអ៊ីស្រាអែល និងជនប៉ាឡេស្ទីននៅតំបន់ West Bank ។ ក្នុងសេចក្តីប្រកាសក្នុងកិច្ចប្រជុំ លោក Abbas បានស្នើឱ្យបង្កើតគណៈកម្មាធិការមួយ ដែលមានតំណាងនៃបក្ខពួកនានានៅប៉ាឡេស្ទីន ដើម្បីពន្លឿនការងារជាបន្ទាន់លើបញ្ហាដែលបានពិភាក្សា។ អេហ្ស៊ីបបានធ្វើជាអាជ្ញាកណ្ដាលកិច្ចប្រជុំផ្សះផ្សារវាងបក្ខពួកនានានៅប៉ាឡេស្ទីន ក្នុងបរិបទអំពើហឹង្សាកើនឡើងនៅតំបន់ West Bank ដែលបណ្តាលឲ្យជនប៉ាឡេស្ទីនយ៉ាងហោចណាស់ ១២ នាក់ត្រូវស្លាប់ និងមនុស្សជាង ១៥០នាក់ទៀតត្រូវរងរបួសក្នុងខែកក្កដាផងដែរ៕