អនុប្រធានាធិបតីអាមេរិក Kamala Harris និងឧបនាយករដ្ឋមន្ត្រី Pham Binh Minh ក្នុងពិធីបើកការិយាល័យប្រចាំតំបន់អាស៊ីអាគ្នេយ៍នៃមជ្ឈមណ្ឌលបង្ការនិងគ្រប់គ្រងជំងឺអាមេរិក ប្រចាំនៅទីក្រុងហាណូយ (រូបថត៖ Lam Khanh - TTXVN)

ថ្លែងមតិនៅទីនេះ ឧបនាយករដ្ឋមន្ត្រី លោក Pham Binh Minh បានសង្កត់ធ្ងន់ថា កិច្ចសហប្រតិបត្តិការលើវិស័យសុខាភិបាលតែងតែជាចំណុចលេចធ្លោនៅក្នុងទំនាក់ទំនង រវាងអាមេរិកនិងសមាគមប្រជាជាតិអាស៊ីអាគ្នេយ៍ (អាស៊ាន)។ ការបើកការិយាល័យប្រចាំតំបន់អាស៊ីអាគ្នេយ៍របស់ CDC បង្ហាញពីការប្តេជ្ញាចិត្តនិងកិច្ចសហប្រតិបត្តិការយ៉ាងជិតស្និទ្ធរបស់រដ្ឋាភិបាលសហរដ្ឋអាមេរិកចំពោះតំបន់ក្នុងកិច្ចខិតខំប្រឹងប្រែងដើម្បីគ្រប់គ្រងជំងឺកូវីដ -១៩ និងជំងឺគ្រោះថ្នាក់ផ្សេងៗ។ លោកឧបនាយករដ្ឋមន្ត្រីជឿជាក់ថា ការិយាល័យអាស៊ីអាគ្នេយ៍របស់ CDC នឹងធ្វើការយ៉ាងជិតស្និទ្ធជាមួយដៃគូក្នុងនិងក្រៅតំបន់ ដើម្បីបន្តគោលដៅសំខាន់ក្នុងការធានាសេវាកម្មថែទាំសុខភាពល្អបំផុតសម្រាប់ប្រជាជន។

ចំណែកខ្លួនវិញ លោកស្រី អនុប្រធានាធិបតីអាមេរិក Kamala Harris បានលើកឡើងថា ការបើកដំណើរការការិយាល័យអាស៊ីអាគ្នេយ៍របស់ CDC អាមេរិក គឺជាសក្ខីភាពបញ្ជាក់ពីការ ប្តេជ្ញាចិត្តរបស់សហរដ្ឋអាមេរិកចំពោះអាស៊ាន។ អនុប្រធានាធិបតី Harris បានសង្កត់ធ្ងន់ថា សហរដ្ឋអាមេរិកមានបំណងចង់ធ្វើឱ្យស៊ីជម្រៅថែមទៀត កិច្ចសហប្រតិបត្តិការលើវិស័យសុខាភិបាលសាធារណៈជាមួយអាស៊ាន ឆ្ពោះទៅគោលដៅជួយដល់ប្រទេសក្នុងតំបន់ដើម្បីឆ្លើយតបទៅនឹងការគំរាមកំហែងផ្នែកសុខភាពដែលអាចកើតមាននាពេលអនាគត។

ក្នុងក្របខ័ណ្ឌនៃដំណើរទស្សនកិច្ចនៅវៀតណាមរបស់អនុប្រធានាធិបតីអាមេរិក លោកស្រី Kamala Harris នារសៀលថ្ងៃដដែលនៅទីក្រុងហាណូយ ភារធាវីស្ថានទូតអាមេរិកប្រចាំនៅប្រទេសវៀតណាមលោក Christopher និងប្រធានមន្ទីរធនធានធម្មជាតិនិងបរិស្ថានទីក្រុងហាណូយ Bui Duy Cuong បានចុះហត្ថលេខាលើកិច្ចព្រមព្រៀងស្តីពីទីតាំងថ្មីរបស់ស្ថានទូតអាមេរិកប្រចាំនៅវៀតណាម។ អនុប្រធានាធិបតីអាមេរិកលោកស្រី Kamala Harris ប្រធានគណៈកម្មាធិការប្រជាជនទីក្រុងហាណូយលោក Chu Ngoc Anh បានធ្វើជាសាក្សីក្នុងពិធីចុះហត្ថលេខានេះ។ យោងតាមកិច្ចព្រមព្រៀង ទីស្នាក់ការថ្មីរបស់ស្ថានទូតអាមេរិក មានផ្ទៃដី ៣.២ ហិកតា ទំហំសាងសង់ជាង ៤១៩ ពាន់ម៉ែត្រការ៉េ ដែលមានទីតាំងស្ថិតនៅក្នុងខ័ណ្ឌ Cau Giay ទីក្រុងហាណូយ។ នេះនឹងជានិមិត្តសញ្ញានៃព្រឹត្តិការណ៍សំខាន់មួយនៅក្នុងទំនាក់ទំនងការទូតរវាងសហរដ្ឋអាមេរិកនិងវៀតណាម៕