ជាមួយនឹងប្រធានបទ "បេះដូងជួបជុំគ្នា បំភ្លឺក្តីសុបិន" ពិធីបើកការប្រកួតកីឡាអាស៊ីប៉ារ៉ាហ្គេម ឆ្នាំ ២០២៣ អូសបន្លាយរយៈពេលជាង ៩០នាទី ជាមួយនឹងរូបភាពនៃ នាដករ នាដការិនីចំនួន ៧២ នាក់ ដែលក្នុងនោះមាននាដករ ៣៦ នាក់ជិះរទេះរុញ បានរាំជាមួយគ្នា បង្ហាញពីឈុតឆាកគួរឲ្យរំភើបចិត្ត របស់អត្តពលិកកាន់ដៃគ្នា ឈានទៅមុខក្នុងដំណើរឆ្ពោះទៅរកក្តីសុបិនរបស់ពួកគេ។

ពិធីបើក អាស៊ីប៉ារ៉ាហ្គេម លើកទី៤ នៅ Hangzhou ខេត្ត Zhejiang ប្រទេសចិន ថ្ងៃទី ២២ ខែតុលា ឆ្នាំ ២០២៣។ រូបថត៖ THX/TTXVN

ពិធីបើកក៏បានប្រើប្រាស់ឧបករណ៍បច្ចេកទេស ក្នុងការរួមបញ្ចូលការច្រៀង ការសម្ដែង ការរាំ ភាពយន្តខ្លី ដើម្បីផ្ញើសេចក្តីជូនពរដល់អត្តពលិកនៃគណៈប្រតិភូនីមួយៗ។ ដូចនឹងព្រឹត្តិការណ៍កីឡាអាស៊ី លើកទី ១៩ (ASIAD ២០២៣) ដែលទើបបានប្រព្រឹត្តទៅនៅទីក្រុង Hangzhou ដែរ ពិធីបើកអាស៊ីប៉ារ៉ាហ្គេម ២០២៣ នៅតែបន្តបញ្ជាក់ពីទំនុកចិត្តរបស់ប្រទេសចិនលើបច្ចេកវិទ្យាឌីជីថល ដោយបង្ហាញពីស្មារតីនៃ "សុទិដ្ឋិនិយម ភាពសុខដុមរមនា ការតស៊ូ និងការចែករំលែក"។

អត្តពលិកជិត ៣.១០០ នាក់មកពីប្រទេសនិងតំបន់ដែនដីចំនួន៤៤ បានចូលរួមព្រឹត្តិការណ៍អាស៊ីប៉ារ៉ាហ្គេម ឆ្នាំ ២០២៣ ដែលបានប្រព្រឹត្តទៅចាប់ពីថ្ងៃទី ២២-២៨ ខែតុលា។ ប្រតិភូកីឡាជនពិការវៀតណាមបានចូលរួមព្រឹត្តិការណ៍ អាស៊ីប៉ារ៉ាហ្គេម ឆ្នាំ ២០២៣ ដោយមានអត្តពលិកចំនួន ៤៨ នាក់ ចូលរួមប្រកួតប្រជែងក្នុងប្រភេទកីឡាចំនួន ៧ រួមមាន អត្តពលកម្ម ហែលទឹក លើកទម្ងន់ អុក វាយកូនឃ្លីលើតុ វាយសី និងតេក្វាន់ដូ។ គោលដៅរបស់កីឡាជនពិការវៀតណាមគឺខិតខំដណ្ដើមបានមេដាយមាសពី ៣ ទៅ ៤គ្រឿង ក្នុងព្រឹត្តិការណ៍ អាស៊ីប៉ារ៉ាហ្គេម ឆ្នាំ ២០២៣៕