ការសម្តែងរបាំនៅក្នុងពិធីបើក។ រូបថត៖ VOV

មហោស្រពឆ្នាំនេះបានប្រព្រឹត្តទៅចាប់ពីថ្ងៃទី ១១-១៥ ខែធ្នូ ដោយមានការតាំងពិពណ៌ សន្និសីទ និងសិក្ខាសាលាជាបន្តបន្ទាប់ រួមមាន៖ ពិព័រណ៍ផ្លូវអង្ករវៀតណាម; ពិព័រណ៍ផលិតផល OCOP នៅក្នុងមូលដ្ឋាន; ពិព័រណ៍ខ្សែសង្វាក់ផ្នែកទំនិញស្រូវអង្ករ; ការតាំងបង្ហាញគ្រឿងម៉ាស៊ីន និងឧបករណ៍កសិកម្ម ការបង្ហាញបច្ចេកវិទ្យាធ្វើយន្តូបនីកម្មកសិកម្ម; ឧទ្ទេសនាមគំរូកសិកម្មវិលជុំ។ មហោស្រពនេះត្រូវបានរៀបចំឡើងក្នុងបរិបទដែលវៀតណាមមានបំណងក្លាយជាប្រទេសជួរមុខ ក្នុងផលិតកម្មស្រូវប្រកបដោយគុណភាព កាត់បន្ថយការបំភាយឧស្ម័ន អភិវឌ្ឍន៍តាមទិសដៅបៃតង និងនិរន្តរភាព។

ថ្លែងមតិតាមបណ្តាញអ៊ីនធឺណែត នាយករដ្ឋមន្ត្រី លោក Pham Minh Chinh បានឲ្យដឹងថា ការនាំចេញស្រូវអង្កររបស់វៀតណាមអាចឈានដល់ ៨ លានតោននៅឆ្នាំនេះ។ នាយករដ្ឋមន្ត្រីបានអះអាងថា វៀតណាមតែងតែជាសមាជិកប្រកបដោយទំនួលខុសត្រូវរបស់សហគមន៍អន្តរជាតិ រួមចំណែកធានាសន្តិសុខស្បៀងពិភពលោកក្នុងគ្រាលំបាក៖ “វៀតណាមក៏ជាប្រទេសដំបូងគេដែលបានកសាងនិងអភិវឌ្ឍន៍ផែនការរៀបចំផ្ទៃដី ១ លានហិកតា សម្រាប់ដំណាំស្រូវដែលមានគុណភាពខ្ពស់ និងបញ្ចេញឧស្ម័នទាប រួមចំណែកលើកកំពស់ជីវភាពសម្ភារៈ និងស្មារតីរបស់ប្រជាជន។ នេះក៏ជាភារកិច្ចជាតិ និងសកលលោកផងដែរ។ យើងបង្ហាញពីទំនួលខុសត្រូវរបស់ខ្លួនចំពោះសហគមន៍អន្តរជាតិ ក្នុងការឆ្លើយតបទៅនឹងបម្រែបម្រួលអាកាសធាតុ និងការកសាងកសិកម្មដែលមានការបំភាយឧស្ម័នទាប”៕