សម័យប្រជុំប្រព្រឹត្តទៅរយៈពេល៧ថ្ងៃ គឺចាប់ពីថ្ងៃទី១៤ ដល់ថ្ងៃទី ១៨ ខែសីហា (វគ្គទី១) និងចាប់ពីថ្ងៃទី២៤ដល់ថ្ងៃទី២៦ ខែសីហា (វគ្គទី២) ដោយផ្តោតសំខាន់លើការត្រៀមរៀបចំឲ្យសម័យប្រជុំរដ្ឋសភាលើកទី៦ នីតិកាល ទី១៥។

ប្រធានរដ្ឋសភា លោក Vuong Dinh Hue អញ្ជើញដឹកនាំសម័យប្រជុំ។ (រូបថត៖ VOV)

ថ្លែងមតិបើកសម័យប្រជុំ ប្រធានរដ្ឋសភា លោក Vuong Dinh Hue បានស្នើឲ្យ គណៈកម្មាធិការអចិន្ត្រៃយ៍រដ្ឋសភា យកចិត្តទុកដាក់ដល់ការស្រាវជ្រាវ ផ្លាស់ប្តូរ និង ពិភាក្សាយ៉ាងស៊ីជម្រៅលើខ្លឹមសារនានា; ជាពិសេសការឃ្លាំមើលតាមប្រធានបទ; រៀបចំការសួរដេញដោល និងឆ្លើយសំណួរសួរដេញ
ដោលនៅគណៈកម្មាធិការអចិន្ត្រៃយ៍ រដ្ឋសភា ចំពោះរដ្ឋមន្ត្រីក្រសួងយុត្តិធម៌ និងរដ្ឋមន្ត្រីក្រសួងកសិកម្ម និងអភិវឌ្ឍន៍ជនបទ។

នៅសម័យប្រជុំនេះ គណៈកម្មាធិការអចិន្ត្រៃយ៍រដ្ឋសភានឹងដំណើរការឃ្លាំមើលតាមប្រធានបទអំពីការអនុវត្តសេចក្តីសម្រេចចិត្តរបស់រដ្ឋសភាស្តីពីការផ្លាស់ប្ដូរថ្មី កម្មវិធី និងសៀវភៅសិក្សាចំណេះដឹងទូទៅ; ផ្តល់មតិជាជំហានដំបូងលើលទ្ធផលនៃការឃ្លាំ មើលលើប្រធានបទ “ការអនុវត្តសេចក្តីសម្រេចចិត្តរបស់រដ្ឋសភាស្តីពីកម្មវិធីគោល ដៅជាតិសម្រាប់ការកសាងជនបទថ្មីដំណាក់កាលឆ្នាំ ២០២១-២០២៥ ការកាត់បន្ថយ ភាពក្រីក្រប្រកបដោយនិរន្តរភាពដំណាក់កាលឆ្នាំ ២០២១-២០២៥ ការអភិវឌ្ឍសេដ្ឋកិច្ច សង្គមនៅតំបន់ជនជាតិភាគតិច និងតំបន់ព្រៃភ្នំដំណាក់កាលឆ្នាំ ២០២១-២០៣០។

ក្នុងការងារនីតិបញ្ញត្តិ បើតាមលោកប្រធានរដ្ឋសភា បរិមាណការងារនីតិបញ្ញត្តិ ក្នុងសម័យប្រជុំនេះ មានច្រើនណាស់ ក្នុងនោះមានគម្រោងច្បាប់ដ៏ស្មុគស្មាញ និង សំខាន់ៗជាច្រើន ដែលទទួលបានការយកចិត្តទុកដាក់យ៉ាងខ្លាំងពីអ្នកបោះឆ្នោត និងប្រជាពលរដ្ឋ ជាពិសេសគម្រោងច្បាប់ចំនួន ៣ ស្តីពី៖ ដីធ្លី លំនៅដ្ឋាន ការធ្វើ អាជីវកម្មអចលនទ្រព្យ៕