បង្កើនកិច្ចសហប្រតិបត្តិការរវាងរដ្ឋសភានៃប្រទេសទាំងពីរវៀតណាមនិងហុងគ្រី (VOV)

        Vovworld-ទទួលសេចក្តីអញ្ចើញរបស់ប្រធានរដ្ឋសភាវៀតណាមលោក
Nguyen Sinh Hung ប្រធានរដ្ឋសភាហុងគ្រីលោក Kover Laszlo បានចាប់​ផ្ដើម​
ដំណើរ​ទស្សនកិច្ចជាផ្លូវការនៅវៀតណាមចាប់ពីថ្ងៃទី៨ដល់១៣វិច្ឆិកា។ នាព្រឹក
​ថ្ងៃ​ទី៩វិច្ឆិកាបន្ទាប់ពីពិធីទទួលជាផ្លូវការប្រធានរដ្ឋសភាវៀតណាមលោក Nguyen
Sinh Hung និងប្រធានរដ្ឋសភាហុងគ្រីលោក Kover Laszlo បានដំណើរ​ការ​ចរចារ។

        ប្រធានរដ្ឋសភា Nguyen Sinh Hung ជឿជាក់ថា ដំណើរទស្សនកិច្ច​នឹង​បង្កើត
របត់ថ្មីក្នុងទំនាក់ទំនងសហប្រតិបត្តិការរវាងស្ថាប័ននិតិបញ្ញត្តិនិង​ប្រជាជននៃ
ប្រទេសទាំងពីរ។ វៀតណាមជានិច្ចកាលចាត់ទុកហុងគ្រីជាមិត្តភក្តិ​ជឿ​ទុកចិត្តក្នុង
សហភាពអឺរ៉ុប (EU)។ វៀតណាមត្រៀមខ្លួនជាស្រេចជាស្ពាន​តភ្ជាប់​​ជំរុញទំនាក់
ទំនងផ្លាស់ប្តូរកិច្ចសហប្រតិបត្តិការរវាងហុងគ្រីនិងដំបន់អាស៊ី-អាគ្នេយ៍(អាស៊ាន)
ទន្ទឹមនឹងនោះចង់ឲ្យហុងគ្រីជាស្ពានតភ្ជាប់រវាងវៀតណាមនិង​សហភាពអឺរ៉ុប (EU)។

        រីឯប្រធានរដ្ឋសភាហុងគ្រីលោក Kover Laszlo បានវាយតំលៃខ្ពស់​សកម្មភាព​
ផ្លាស់ប្តូរគណៈប្រតិភូត្រូវបានរក្សាជាប្រចាំរវាងប្រទេសទាំងពីរ ពិសេស​គឺលទ្ធផល​
ល្អប្រសើរពីការអនុវត្តកិច្ចព្រមព្រៀងសហប្រតិបត្តិការរវាង​រដ្ឋសភាវៀតណាមនិង
​ហុងគ្រីដែលបានចុះហត្ថលេខានាឆ្នាំ២០០៩ នាំទំនាក់​ទំនងនៃប្រទេសទាំងពីរ
រដ្ឋសភាទាំងពីរឡើងកំពស់ថ្មី។ អះអាងនូវអាទិភាព​កិច្ចការ​បរទេសរបស់ហុងគ្រីឆ្ពោះ
​ទៅទិសខាងកើត ក្នុងនោះមានវៀតណាមផង ដើម្បី​តភ្ជាប់ដៃគូសេដ្ឋកិច្ចថ្មីបន្ទាប់​ពី
​វិបត្តិ​ហិរញ្ញវត្ថុនៅទ្វីបអឺរ៉ុប។

        ក្នុងឱកាសនេះ ក្រោមការធ្វើក្សិណសាក្សីរបស់ប្រធានរដ្ឋសភាលោក Nguyen
Sinh Hung ប្រធានរដ្ឋសភាហុងគ្រី Kover Laszlo បានប្រគល់​គ្រឿង​ឥស្សារិយយស
​ដោយប្រធានាធិបតីហុងគ្រីជូនសាស្ត្រចារ្ស Vu Khieu ជាជន​វៀតណាមម្នាក់ក្នុង​
ចំណោម​ជនវៀតណាមដើមដំបូងទៅរៀនសូត្រ ស្រាវជ្រាវនិង​ធ្វើការនៅហុងគ្រី​តាំង​
ពីឆ្នាំ១៩៥៩មក។

        នាយប់ថ្ងៃដដែលប្រធានរដ្ឋសភា Nguyen Sinh Hung បានធ្វើជាអធិបតីពិធី​
ជប់លៀងស្វាគមន៍ប្រធានរដ្ឋសភាហុងគ្រី Kover Laszlo និងសមាជិកក្នុង​គណៈ​ប្រតិភូ៕