បេសកជនពិសេសទទួលបន្ទុកបញ្ហាអាកាសធាតុរបស់ប្រធានាធិបតីអាមេរិក លោក John Kerry (រូបថត៖ Tass)

លោកប្រធានាធិបតី V.Putin បានសង្កត់ធ្ងន់ថា សហព័ន្ធរុស្ស៊ីយកចិត្តទុកដាក់យ៉ាងខ្លាំងក្នុងការសម្រេចឲ្យបានរាល់គោលដៅនៃកិច្ចព្រមព្រៀងទីក្រុងប៉ារីស និងគាំទ្រការសន្ទនាប្រកបដោយវិជ្ជាជីវៈនៅក្នុងវិស័យនេះ។ ទាក់ទិននឹងបញ្ហានេះ ការត្រៀមរៀបចំសម័យប្រជុំលើកទី ២៦ សន្និសីទនៃបណ្ដាប្រទេសហត្ថលេខីអនុសញ្ញាក្របខ័ណ្ឌអង្គការសហប្រជាជាតិស្តីពីការប្រែប្រួល
អាកាសធាតុ (Glasgow ថ្ងៃទី ៣១ ខែតុលាដល់ថ្ងៃទី ១២ ខែវិច្ឆិកាឆ្នាំ ២០២១) ត្រូវបានលើកឡើង ដោយបានផ្ដល់អាទិភាពជាតិសម្រាប់ការអព្យាក្រឹតកាបូន។

នាបច្ចុប្បន្ននេះ ក្នុងនាមជាប្រធានក្រុមប្រឹក្សាតំបន់ប៉ូលខាងជើងនោះ ប្រធានាធិបតីរុស្ស៊ី លោក V.Putin និងបេសកជនពិសេសទទួលបន្ទុកបញ្ហាអាកាសធាតុរបស់ប្រធានាធិបតីអាមេរិក លោក John Kerry បានផ្លាស់ប្តូរយោបល់ស្តីពីយថាទស្សន៍សហប្រតិបត្តិការការពារបរិស្ថានទ្វេភាគីនៅតំបន់ប៉ូលខាងជើង។ ជាទូទៅ បញ្ហាអាកាសធាតុ គឺជាវិស័យមួយដែលរុស្ស៊ីនិងសហរដ្ឋអាមេរិកមានផលប្រយោជន៍ដូចគ្នា និងរបៀបអភិក្រមស្រដៀងគ្នាផងដែរ៕