គណៈប្រតិភូចូលរួមការចរចា មុនពេល COP-27។ (រូបថត៖ Reuters)

ប្រទេសម្ចាស់ផ្ទះនៃសាធារណរដ្ឋប្រជាធិបតេយ្យកុងហ្គោបានធ្វើអត្ថាធិប្បាយលើការចរចា ដោយបានចាត់ទុកថា បណ្តាប្រទេសក្រីក្រគួរតែត្រូវបានផ្តល់លក្ខខណ្ឌអំណោយផលបន្ថែមទៀតក្នុងការទទួលបានធនធានហិរញ្ញវត្ថុក៏ដូចជាដំណោះស្រាយដើម្បីធ្វើឱ្យមានតុល្យភាពរវាងការការពារបរិស្ថានជាមួយនឹងការជំរុញកំណើនសេដ្ឋកិច្ច។ រដ្ឋមន្រ្តីបរិស្ថាននៃប្រទេសនេះ លោកស្រី Eve Bazaiba បានចែករំលែកថា ទ្វីបអាហ្វ្រិកកំពុងប្រឈមមុខនឹងស្ថានភាព "លំបាកលំបិន" រវាងការធ្វើអាជីវកម្មធនធាននិងភាពអត់ឃ្លាន។ លោកស្រីបានសង្កត់ធ្ងន់ថា ចំពោះប្រជាជនអាហ្រ្វិក តម្រូវការខ្យល់ដកដង្ហើម ដូចទៅនឹងតម្រូវការស្បៀងអាហារផងដែរ។ រដ្ឋមន្ត្រី Bazaiba បានសម្តែងសុទិដ្ឋិនិយមថា សាធារណរដ្ឋប្រជាធិបតេយ្យកុងហ្គោ ប្រេស៊ីល និងឥណ្ឌូនេស៊ី នឹងចែករំលែកទស្សនៈរួមគ្នានៅ COP27 ។ ប្រទេសទាំងបី គ្រោងនឹងសម្របសម្រួលគោលជំហរ និងសកម្មភាព ក្នុងការចរចាអាកាសធាតុលើផលប្រយោជន៍រួម ដូចជាការទទួលបានហិរញ្ញវត្ថុ និងការបង្កើនតម្លៃកាបូន៕