បណ្តាប្រទេសសមាជិកសហភាពអឺរ៉ុបមានការខ្វែងគំនិតក្នុងការបើកព្រំដែនឡើងវិញ
(VOVWORLD) - ក្នុងកិច្ចប្រជុំតាមប្រព័ន្ធវីដេអូកាលពីថ្ងៃទី ២០ ខែឧសភា រដ្ឋមន្ត្រីទេសចរណ៍សហភាពអឺរ៉ុប (EU) បានពិភាក្សាអំពីដំណើរការបើកព្រំដែនជាបណ្តើរ ៗនៅរដូវក្តៅ តាមការស្នើរបស់គណៈកម្មការអឺរ៉ុប (EC)។ ប៉ុន្តែភាគីនានាមិនអាចសម្រេចបាននូវឯកភាពគ្នាលើបញ្ហានេះទេ។
 ទង់ជាតិអង់គ្លេស (ខាងក្រោម) និងទង់អ៊ឺរ៉ុប (ខាងលើ) នៅទីក្រុងឡុងប្រទេសអង់គ្លេស។ (រូបថត៖ AFP / TTXVN) |
ការដែលជំងឺរាតត្បាត Covid – 19 កំពុងវិវត្តន៍យ៉ាងវិជ្ជមាន បានផ្តល់កម្លាំងចលករដល់ភាគីនានាឱ្យធ្វើការសម្រេចចិត្តពិភាក្សាគ្នាអំពីការបើកព្រំដែនឡើងវិញនិងស្តារវិស័យទេសចរណ៍ បន្ទាប់ពីទទួលរងផលប៉ះពាល់ជាយូរមកហើយ។ ប៉ុន្តែរដ្ឋមន្រ្តីនៃប្រទេសសមាជិកសហភាពអឺរ៉ុបទាំង ២៧ មិនអាចយល់ព្រមលើផែនការទាំងស្រុងដែលបានស្នើឡើងដោយ EC នោះទេ។
លោក Gari Capelli រដ្ឋមន្រ្តីក្រសួងទេសចរណ៍ក្រូអាត បានមានប្រសាសន៍ថា ចាំបាច់ត្រូវមានការពិភាក្សាគ្នាបន្ថែមទៀតអំពីវិធីអនុវត្ត“ កញ្ចប់វិធានការទេសចរណ៍” ពីព្រោះអឺរ៉ុបមិនអាចប្រថុយប្រថានទទួលយករាល់ហានិភ័យ បន្ទាប់ពីការចំណាយអស់រយៈជាងមួយខែនៃការបិទប្រទេសនោះឡើយ៕