បន្តការយកមតិប្រជាជនចំពោះសេចក្ដីព្រាងធ្វើវិសោធនកម្មរដ្ឋធម្មនុញ្ញឆ្នាំ១៩៩២
(VOV)_គណះកម្មាធិការព្រាង ធ្វើវិសោធនកម្ម រដ្ឋធម្មនុញ្ញ ឆ្នាំ ១៩៩២ទើបចេញ
ឯកសារ ស្ដីពីការបន្តលាតត្រដាងអនុវត្ត សេចក្ដីសម្រេចចិត្ត របស់រដ្ឋសភាវៀតណាម
អំពីការ យកមតិប្រជាជន ចំពោះសេចក្ដីព្រាងធ្វើវិសោធនកម្ម រដ្ឋធម្មនុញ្ញ ។ តាមនោះ ក្នុងរយះពេលរៀបចំការអនុវត្តយកមតិប្រជាជនចំពោះ សេចក្ដីព្រាងធ្វើវិសោធនកម្ម រដ្ឋធម្មនុញ្ញ ឆ្នាំ ១៩៩២ ត្រូវបានរដ្ឋសភា សម្រេចចាប់ផ្តើមអនុវត្តពី ថ្ងៃទី ២ មករា ឆ្នាំ ២០១៣ ដល់ថ្ងៃទី ៣១ មិនា ឆ្នាំ ២០១៣។ លទ្ធផលនៃការរៀបចំអនុវត្តយកមតិប្រជា
ជននេះ នឹងត្រូវបានប្រមូលផ្តុំ បូកសរុបយ៉ាងគ្រប់គ្រាន់ និងទាន់ពេលវេលា ដើម្បីជូន រដ្ឋសភាផ្តល់មតិ នៅសម័យប្រជុំលើកទី ៥ នាខែឧសភាខាងមុខនេះ និងបន្តកែទម្រង់ ដើម្បីរដ្ឋសភាពិនិត្យមើល និងអនុម័ត នៅសម័យប្រជុំនាខែមិថុនា និងខែតុលាឆ្នាំ
២០១៣នេះ។ ពីថ្ងៃទី ៣១ មិនា ឆ្នាំ២០១៣ ដល់ថ្ងៃទី ៣០ កញ្ញា ឆ្នាំ២០១៣ មុនពេល
សេចក្ដីព្រាង ធ្វើវិសោធនកម្ម រដ្ឋធម្មនុញ្ញ ឆ្នាំ ១៩៩២ ត្រូវបានរដ្ឋសភាអនុម័ត ប្រជាជន
នៅបានបន្តរួមមតិចំពោះ សេចក្ដីព្រាង ធ្វើវិសោធនកម្ម រដ្ឋធម្មនុញ្ញ ឆ្នាំ ១៩៩២។
 |
| រដ្ឋធម្មនុញ្ញ ឆ្នាំ ១៩៩២(internet) |
ក្នុងរយះពេលជាង២ខែកន្លងទៅ ស្ថាប័ន អង្គភាពជាច្រើន នៅទីក្រុងCan Tho (ភាគខាងត្បូងវៀតណាម) បានអនុវត្តការយកមតិរបស់បណ្ដាកម្មាភិបាល បក្ខជន
និងប្រជាជន ចំពោះ សេចក្ដីព្រាង ធ្វើវិសោធនកម្ម រដ្ឋធម្មនុញ្ញ ឆ្នាំ ១៩៩២។ នៅសន្និ
សីទយកមតិចំពោះ សេចក្ដីព្រាង ធ្វើវិសោធនកម្ម រដ្ឋធម្មនុញ្ញ ឆ្នាំ ១៩៩២ នាពេលថ្មីៗ
នេះរបស់ទីក្រុងCan Tho បណ្ដាដំណាងសុទ្ធតែស្រុះចិត្តគំនិត និងឯកភាពខ្ពស់ ចំពោះ
ការធ្វើវិសោធនកម្ម រដ្ឋធម្មនុញ្ញ ឆ្នាំ ១៩៩២ អោយសមស្របជាមួយសភាពការណ៍ថ្មី
និងម្ចាស់ការធ្វើសមាហរណកម្មអន្តរជាតិ។ ចំពោះកាតព្វកិច្ច ភារកិច្ចរបស់កងកម្លាំងប្រដាប់អាវុធ លោក Tran Thanh Nghiep ប្រធានសមាគមអតីតយុទ្ធជនទីក្រុង Can Tho បានអោយដឹងថា÷
“ មានមនុស្សមួយចំនួន បានស្នើថា÷ឥឡូវនេះ កងទ័ពត្រូវឈរនៅខាងក្រៅប្រព័ន្ធនយោបាយ ខ្ញុំមិនយល់ព្រមទេ។ ពីព្រោះថា÷កងទ័ពរបស់ប្រទេសត្រូវបានបង្កើតឡើង គឺដើម្បីការពាររបបនយោបាយរបស់ប្រទេសនោះ និងប្រសិនបើ កងទ័ពត្រូវឈរនៅខាងក្រៅប្រព័ន្ធនយោបាយ គឺការពារអ្នកណា? ឬអាចនិយាយថា÷កងទ័ពប្រជាជនវៀតណាម គឺត្រូវការពាររបបសង្គមនិយមវៀតណាមនិងត្រូវការ
ពារបក្សកុម្មុយនីស្តវៀតណាម។ ”
ខេត្ត Binh Duong (ភាគខាងត្បូងវៀតណាម) ក៏បានកំណត់ការយកមតិប្រជា
ជន ចំពោះ សេចក្ដីព្រាង ធ្វើវិសោធនកម្ម រដ្ឋធម្មនុញ្ញ ឆ្នាំ១៩៩២ ជាភារកិច្ចមួយក្នុង
ចំណោមភារកិច្ចស្នូល ជាវគ្គជីវភាពនយោបាយស៊ីជំរៅ និងទូលំទូលាយ ក្នុងបក្ស
ទាំងមូល ប្រជាជនទាំងមូល។ ដូច្នេះ សកម្មភាពនេះត្រូវបាននិងកំពុងអនុវត្តទៅ
ដល់គ្រប់កម្មាភិបាល បក្ខជននិងប្រជាជនគ្រប់ស្រទាប់។ លោកNguyen Thanh ជន
ម្នាក់នៅខេត្តBinh Duong បានអោយដឹងថា÷
“ រដ្ឋធម្មនុញ្ញ ឆ្នាំ ១៩៩២ បានពង្រីកប្រសិទ្ធិភាពហើយ ពីនោះ បានដឹកនាំ
ប្រទេសជាតិឈានទៅមុខ។ នាបច្ចុប្បន្ន ក្នុងដំណាក់កាលធ្វើសមាហរណកម្មអន្តរ
ជាតិទន្ទឹមនឹងនោះ ទាក់ទាញការវិនិយោគពីប្រទេសផ្សេងៗ ដើម្បីគ្រប់គ្រងប្រទស
អោយសមស្របជាមួយនិន្នាការថ្មី គឺការធ្វើវិសោធនកម្ម រដ្ឋធម្មនុញ្ញគឺចាំបាច់ណាស់៕ ”