នាយករដ្ឋមន្ត្រីវៀតណាមលោក Pham Minh Chinh បានអញ្ជើញជួបពិភាក្សាការងារជាមួយនាយករដ្ឋមន្ត្រីចិន លោក Li Keqiang ((រូបថត៖ VNA))

នាយករដ្ឋមន្ត្រី Pham Minh Chinh បានអបអរសាទរចំពោះជោគជ័យនៃមហាសន្និបាតលើកទី ២០ នៃបក្សកុម្មុយនិស្តចិន។ លោកបានបង្ហាញជំនឿថា ក្រោមការដឹកនាំរបស់បក្សកុម្មុយនិស្តចិន ដែលមានអគ្គលេខាបក្ស ប្រធានរដ្ឋចិនលោក Xi Jinping ជាប្រមុខ ប្រជាជនចិននឹងសម្រេចបានជោគជ័យនូវគោលដៅ និងភារកិច្ចដែលកំណត់ដោយមហាសន្និបាតបក្សលើកទី២០។ លោកនាយករដ្ឋមន្ត្រីបានអះអាងថា វៀតណាមជានិច្ចកាលយកចិត្តទុកដាក់ និងផ្តល់អាទិភាពចម្បងដល់ការអភិវឌ្ឍទំនាក់ទំនងភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយជាមួយចិន។ លោកនាយករដ្ឋមន្ត្រី Li Keqiang បានអះអាងថា ចិនគាំទ្រវៀតណាមក្នុងការកសាងសេដ្ឋកិច្ចឯករាជ្យ ម្ចាស់ការ ធ្វើឲ្យស៊ីជម្រៅសមាហរណកម្មអន្តរជាតិប្រកបដោយប្រសិទ្ធភាព។ នាយករដ្ឋមន្ត្រីទាំងពីរបានសង្កត់ធ្ងន់ថា រដ្ឋាភិបាលនៃប្រទេសទាំងពីរនឹងបន្តធ្វើសមាហរណកម្ម និងនាំសេចក្តីថ្លែងការណ៍រួមវៀតណាម - ចិន ស្តីពី "ការបន្តជំរុញនិងធ្វើឱ្យស៊ីជម្រៅថែនទៀតទំនាក់ទំនងភាពជាដៃគូសហប្រតិបត្តិការយុទ្ធសាស្ត្រលើគ្រប់ជ្រុងជ្រោយរវាងវៀតណាម-ចិន" ដែលសម្រេចបានក្នុងដំណើរទស្សនកិច្ចទៅកាន់ប្រទេសចិននាពេលថ្មីៗនេះរបស់លោកអគ្គលេខាបក្ស Nguyen Phu Trong ឲ្យក្លាយទៅជាលទ្ធផលជាក់ស្តែងនាពេលខាងមុខ៕