ប្រកាសយន្តការច្រកតែមួយរវាងក្រសួងហិរញ្ញវត្ថុនិងក្រសួងឧស្សាហពាណិជ្ជកម្ម

          (VOV)_នាព្រឹកថ្ងៃទី២៥ ធ្នូ នៅទីក្រុងហាណូយ ប្រទេសវៀតណាម នាយក
ដ្ឋានគយនិង​ ក្រសួងហិរញ្ញវត្ថុវៀតណាម បានរៀបចំពិធីប្រកាសជាសាធារណះ
យន្តការ​ច្រកចេញ​ចូល​តែមួយថ្នាក់ជាតិសំរាប់បណ្ដាបែបបទរដ្ឋបាល រវាងក្រសួង
ហិរញ្ញវត្ថុ​ និងក្រសួងឧស្សហា ពាណិជ្ជកម្ម។ ថ្លែងមតិនៅទីនេះ ឧបនាយករដ្ឋមន្ត្រី​វៀតណាម លោក Vu Van Ninh ប្រធានគណៈកម្មាធិការជាតិបញ្ជាណែនាំ​​​យន្តការ​
ច្រកចេញចូល​តែមួយអាស៊ាន និងយន្តការ​ច្រក​តែមួយ​ជាតិ​ បានស្នើថា៖ 

          “ ​ក្រសួងហិរញ្ញវត្ថុ ក្រសួងឧស្សាហពាណិជ្ជកម្ម និង​ក្រសួង ​ស្ថាប័នផ្សេងៗ
ទៀត ត្រូវត្រៀមរៀបចំលក្ខណះចាំបាច់ ដើម្បីខំប្រឹងប្រែងសម្រេចផែនការមុន៦ខែ
​តាមការកំណត់ ពីព្រោះនេះមិនគ្រាន់តែ​ជាតម្រូវការ​ចាំបាច់នៃការធ្វើសមាហរណ
កម្មប៉ុណ្ណោះទេ ថែមទាំង ជាតម្រូវការពី​ស្ថានភាពជាក់ស្ដែង និង​ខឿនសេដ្ឋកិច្ចវៀត
ណាមទៀតផង។”

          តាមដំណើការ ពីខែមិថុនាឆ្នាំ២០១៥ វៀតណាមនឹងផ្សាភ្ជាប់គ្រប់បែប​បទរដ្ឋ
បាលរបស់បណ្ដាក្រសួង៖កសិកម្មនិងអភិវឌ្ឍន៍ជនបទ សុខាភិបាលធនធាននិង
បរិស្ថាន ត្រៀមខ្លួនជាស្រេចផ្សាភ្ជាប់យន្តការ​ច្រកតែមួយអាស៊ាន និងពីឆ្នាំ២០១៦
តទៅ អនុវត្តផ្សាភ្ជាប់រាល់បែបបទរដ្ឋបាលផ្តល់លិខិតអនុញ្ញាតិចំពោះទំនិញនាំចេញ 
នាំចូល ឆ្លងដែន របស់គ្រប់ក្រសួងនិងស្ថាប័ន.

បន្ទាប់ពីពិធីប្រកាស ឧបនាយករដ្ឋមន្ត្រី Vu Van Ninh បានអញ្ជើញចូលរួមសន្និ
សីទ Online បូកសរុបការងារឆ្នាំ ២០១៤ និង​លាតត្រដាងអនុវត្តភារកិច្ចសំរាប់ឆ្នាំ 
២០១៥ របស់អគ្គនាយកដ្ឋានគយ។ ​ថ្លែងមតិនៅទីនេះ លោក Vu Van Ninh បានសង្កត់ធ្ងន់ថា៖ ច្បាប់គយ​ ២០១៤ ដែលទើបនឹងបានរដ្ឋសភាអនុម័តមានអត្ថន័យដ៏សែនសំ
ខាន់​ចំពោះផ្នែក បានជាផ្នែកទាំងមូលត្រូវលាតត្រដាងអនុវត្ត​ច្បាប់នេះចូលក្នុងជីវ
ភាពរស់នៅ រួមចំណែកបង្កលក្ខណះងាយស្រួល​សំរាប់សហគមន៍អង្គភាពអាជីវកម្ម
 និងធានាការគ្រប់គ្រង់យ៉ាងម៉ត់ចត់ក្នុងផ្នែកគយផងដែរ៕