ប្រធានាធិបតីបារាំងលោក Emmanuel Macron និងអធិការបតីអាល្លឺម៉ង់ លោក Olaf Scholz នៅពិធីរំលឹកខួបលើកទី ៦០ ទិវា ចុះហត្ថលេខាលើសន្ធិសញ្ញាសហប្រតិបត្តិការក្រោយសង្គ្រាមរវាងបារាំងនិងអាល្លឺម៉ង់។ (រូបថត៖ AFP/ TTXVN)

បារាំង និងអាល្លឺម៉ង់គួរតែរួមគ្នាក្លាយទៅជាប្រទេសឈានមុខគេក្នុងការកសាង អឺរ៉ុបឡើងវិញ។ ប្រធានាធិបតីបារាំងលោក Emmanuel Macron នៅថ្ងៃទី ២២ ខែមករា នៅទីក្រុងប៉ារីសបានធ្វើការអំពាវនាវយ៉ាងដូច្នេះ នៅក្នុងពិធីរំលឹកខួបលើកទី ៦០ ទិវា ចុះហត្ថលេខាលើសន្ធិសញ្ញាសហប្រតិបត្តិការក្រោយសង្គ្រាមរវាងបារាំងនិងអាល្លឺម៉ង់។

លោកប្រធានាធិបតី Emmanuel Macron បានចង្អុលបង្ហាញថា ក្នុងនាមជា ប្រទេសត្រួសត្រាយផ្លូវ ភារកិច្ចដំបូងរបស់បារាំង និងអាល្លឺម៉ង់ គឺរួមគ្នាកសាងគំរូ ថាមពលថ្មីមួយ ដែលជំនះលើភាពខុសគ្នារវាងប្រទេសទាំងពីរ។ ប្រទេសទាំងពីរគួរតែ លើកទឹកចិត្ត និងពន្លឿនការវិនិយោគសាធារណៈ និងឯកជនចាំបាច់ នៅកម្រិតអឺរ៉ុប ដើម្បីបម្រើដល់ដំណើរការផ្លាស់ប្តូរអេកូឡូស៊ី។ ប្រទេសទាំងពីរត្រូវតែសម្រេចការធ្វើ ពិពិធកម្មប្រភពធនធាន ហើយលើកទឹកចិត្តដល់ការផលិតថាមពលគ្មានកាបូននៅ អឺរ៉ុប។

រីឯខ្លួនវិញ អធិការបតីអាល្លឺម៉ង់ លោក Olaf Scholz បានចាត់ទុកថា អនាគត របស់អឺរ៉ុបគឺពឹងផ្អែកលើ "កម្លាំងចលករដឹកនាំ" របស់អាល្លឺម៉ង់ និងបារាំង។ លោក អធិការបតី Olaf Scholz បានសង្កត់ធ្ងន់ថា ទំនាក់ទំនងសហប្រតិបត្តិការរវាងអាល្លឺម៉ង់-បារាំង ជានិច្ចកាលត្រូវបានពូនជ្រុំ និងដំណើរការប្រកបដោយប្រសិទ្ធភាព៕