លោក Song Young-gil ប្រធានគណៈកម្មការសហប្រតិបត្តិការសេដ្ឋកិច្ចភាគខាងជើង (រូបថត៖AFP/ TTXVN)

គោលបំណងនៃដំណើរទស្សនកិច្ចនេះគឺពិភាក្សាការងារអំពីលទ្ធភាពសហប្រតិបត្តិការនៃភាគីទាំង ៣ គឺរវាងប្រទេសកូរ៉េទាំងពីរ និងរុស្ស៊ី ដែលទាក់ទិននឹងគម្រោងការណ៍ Rajin-Khasan និងគម្រោងការណ៍ដទៃទៀត។

ថ្លែងមតិទៅកាន់មជ្ឈដ្ឋានសារព័ត៌មាន ខណៈដែលមកដល់  អាកាសយានដ្ឋានអន្ដរជាតិ Incheon វិញ លោក Song Young-gil ប្រធានគណៈកម្មការសហប្រតិបត្តិការសេដ្ឋកិច្ចភាគខាងជើង ប្រធានក្រុមការងារបានឲ្យដឹងថា ទោះបីជាមុននេះ មានកិច្ចពិភាក្សាការងាររវាងដ្ឋាភិបាលរុស្ស៊ី និង ស.ប.ប.ក ឬរវាងរុស្ស៊ី និងកូរ៉េខាងត្បូងក៏ដោយ ប៉ុន្តែនេះគឺជាលើកដំបូង ដែលប្រទេសកូរ៉េទាំងពីរមានការចរចាដោយផ្ទាល់អំពីគម្រោងការណ៍ Rajin-Khasan ។ លោក Song Young-gil បានជូនដំណឹងថា ភាគីទាំងពីរបានឯកភាពបន្តបណ្ដាការចរចាស្រដៀងគ្នាផងដែរ។

Rajin-Khasan គឺជាគម្រោងការណ៍មួយអំពី logistics ដែលជួយ ដឹកជញ្ជូនធ្យូងថ្មពីប្រទេសរុស្ស៊ីទៅកាន់ ស.ប.ប.ក តាមរយៈផ្លូវដែកប្រវែង 54 គីឡូម៉ែត្រដែលតភ្ជាប់តំបន់ Khasan នៃប្រទេសរុស្ស៊ីទៅកាន់កំពង់ផែ Rajin របស់ ស.ប.ប.ក ហើយបន្ទាប់មកដឹកជញ្ជូនទៅកាន់ប្រទេសកូរ៉េខាងត្បូងផងដែរ៕