រដ្ឋមន្ត្រីការបរទេសជប៉ុន លោក Toshimitsu Motegi   (រូបថត៖ Strait Times)

ក្នុងជំនួបនៅម៉ិកស៊ិក រដ្ឋមន្ត្រីការបរទេសជប៉ុន លោក Toshimitsu Motegi បានសង្កត់ធ្ងន់ជាមួយសមភាគីប្រទេសម្ចាស់ផ្ទះលោក Marcelo Ebrard ថា ទីក្រុងតូក្យូមានបំណងចង់សហការយ៉ាងជិតស្និទ្ធ ដើម្បីថែរក្សានិងបង្កើនទំនាក់ទំនងក្នុងក្របខ័ណ្ឌសេដ្ឋកិច្ចសេរីនិងបើកចំហនេះ។

នាពេលថ្មីៗនេះ ចក្រភព អង់គ្លេស ចិន និងកូរ៉េខាងត្បូងក៏បានបង្ហាញចំណាប់អារម្មណ៍របស់ខ្លួនក្នុងការចូលរួមជាសមាជិកកិច្ចព្រមព្រៀង CPTPP ខណៈដែល មន្រ្តីជប៉ុននៅតែឃ្លាំមើលយ៉ាង ដិតដល់ថាតើសហរដ្ឋអាមេរិកនឹងវិលត្រឡប់មកចូលជាសមាជិកក្នុងកិច្ចព្រមព្រៀង ក្រោមរដ្ឋអំណាចរបស់ប្រធានាធិបតីអាមេរិកជាប់ឆ្នោតថ្មីដែរ។ គួរបញ្ជាក់ថាកិច្ចព្រមព្រៀងនេះត្រូវបានចុះហត្ថលេខាដោយបណ្តាប្រទេសហត្ថលេខីនានាកាលពីខែធ្នូឆ្នាំ ២០១៨ បន្ទាប់ពីសហរដ្ឋអាមេរិកបានដកខ្លួនចេញពីកិច្ចព្រមព្រៀងភាពជាដៃគូអន្តរប៉ាស៊ីហ្វិក (TPP - ដែលជាកិច្ចព្រមព្រៀងមុនរបស់កិច្ចព្រមព្រៀង CPTPP) កាលពីឆ្នាំ ២០១៧ ៕