ប្រទេសរុស្ស៊ីប្រឆាំងជំទាស់នឹងសហរដ្ឋអាមេរិកដែលដាក់បញ្ចូលប្រទេសគុយបាចូលក្នុងបញ្ជីនៃបណ្តាប្រទេសដែលឧបត្ថម្ភភេរវកម្មឡើងវិញ
(VOVWORLD) - រុស្ស៊ីបានរិះគន់លើការសម្រេចចិត្តរបស់អាមេរិកក្នុងការដាក់បញ្ចូលប្រទេសគុយបាចូលក្នុងបញ្ជីប្រទេសឧបត្ថម្ភភេរវកម្មឡើងវិញដោយបញ្ជាក់ថាការចោទប្រកាន់នេះគឺជាការ«ពាក្យសំដីភូតភរ»ផងដែរ។
 អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova (រូបថត៖AFP/TTXVN) |
នាថ្ងៃទី ១៥ ខែមករា ថ្លែងក្នុងសន្និសីទកាសែតប្រចាំសប្តាហ៍ អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova បានសង្កត់ធ្ងន់ថាការសម្រេចចិត្តរបស់អាមេរិកគឺជា“ សកម្មភាពមិនមានលក្ខណៈស្ថាបនា” ដែលបង្ហាញពីអសមត្ថភាពរបស់ទីក្រុងវ៉ាស៊ីនតោន ក្នុងការប្រកាន់ខ្ជាប់ស្វែងរកគោលនយោបាយកិច្ចបរទេសមិនស៊ីសង្វាក់នឹងគ្នានោះឡើយ។
លោកស្រី Maria Zakharova បានបន្ថែមថានៅពេលទីក្រុង Lahabana ជាប់ឈ្មោះក្នុង “ បញ្ជីខ្មៅ” នេះ សហរដ្ឋអាមេ រិកក៏បានធ្វើឲ្យប្រទេសខ្លួនបាត់បងកិត្យានុភាពចំពោះសហគមន៍អន្តរជាតិផងដែរ៕